InfoHub Logo

Vilim-all.kz álemdegi eń ádemi 5 mektepti nazarlaryńyzǵa usynady. Bul mektepter óziniń tek biregeı oqytý baǵdarlamalarymen ǵana erekshelenip qoımaı, sondaı‑aq tańǵajaıyp ádemi kóriniske de ıe.

 

Bolashaq jýrnalıserdi oqytatyn Órestad gımnazıasy

Ørestad Gymnasium

Ornalasqan jeri: Kopengagen, Danıa

Skandınavıada 2007 jyly eń ádemi mektep retinde tanylǵan ǵımaratta joǵary synyp oqýshylaryn JOO‑na túsýge, aıta ketetin bolsaq, BAQ, qarym‑qatynas jáne mádenıet salalaryna mamandandyrylǵan baǵytqa daıyndaıdy. Órestad gımnazıasy ulttyq bilim berý reformasy júrgizilýiniń arqasynda paıda boldy. Ǵımarattyń jobasymen óziniń fýtýrısik jobalarymen álemge áıgili dattyq 3XN Architecs kompanıasy aınalysty.

Gımnazıanyń tórt deńgeıli ǵımaraty openspace qaǵıdasy boıynsha qalandy, ıaǵnı munda bolashaq medıamenedjerler men jýrnalıser jumys isteýge ári áriptesterimen ashyq keńistikte ózara qarym‑qatynas jasaýǵa úırenedi. Ǵımarattyń ortasynda, deńgeılerdi ózara baılanystyratyn, aınalmaly baspaldaq ótedi. Al, onyń aınalasynda kovorkıng (seriktestik, birlesip jumys isteý) aımaqtar jáne qap tárizdes jumsaq otyrǵyshtary bar demalýǵa arnalǵan alańdar ornalasqan, sondaı‑aq ǵımarat symsyz ınternet jelisimen jabdyqtalǵan.

 

Densaýlyǵy nashar balalarǵa arnalǵan mektep

Marcel Sembat High School

Ornalasqan jeri: Sottevıl‑le‑Rýan, Fransıa

Jumsaq klımat pen taza aýa: mundaı jaǵdaıda oqýlyqtardan bas kótermeý jeńilirek bolady, al qorshaǵan ortaǵa degen jaýapkershilik jáne tirshilik ıelerine degen mahabbat boıǵa ózdiginen sińedi.

Mekteptiń ereksheligi onyń jobasynda – sabaq ótýge arnalǵan taza aýadaǵy kógaldandyrylǵan úlken keńistik, al onyń shatyry túgelimen gúlzarǵa oranǵan. Áıtse de, mektep baǵdarlamasynyń «ekologıalyq» baǵyttan aıyrmashylyǵy joq, Marcel Sembat High School mektebi eco-friendly belgisimen barlyq oqytý mekemeleriniń tiziminen tabylady. Mektep qurylysy 30 jyldary bastalyp, 90 jyldary aıaqtalǵan, ár túrli ýaqyttarda turǵyzylǵan alty ǵımarattan turady. Mektep aýmaǵynyń janyndaǵy úlken saıabaqta sheberlik synyptary ótkizilip otyrady.

 

Ekologıalyq máseleler jóninde alańdaýshylyq tanytatyndarǵa arnalǵan mektep

Green School

Ornalasqan jeri: Balı, Indonezıa

Atalmysh mekeme, ıaǵnı Djon men Sıntı Hardı atty sáýletshilerdiń týyndysy ‑ Pıter Penniń úıi men qymbat qonaq úı arasyndaǵy uqsastyq deńgeıinde. Olar mektepti 8 gektar jerdi qamtıtyn aýmaqta balalardy «oqytýǵa májbúrlemeýimiz kerek» degen oımen turǵyzdy. Munda balılikterdiń dástúri boıynsha, syrtqy qabyrǵasy «bambýkten jasalǵan úıshikter» qoldanystan tys jáne munda oqýshylar búkil ýaqyt boıy ózderi zertteıtin tabıǵattyń aıasynda bolady. Mektep baǵdarlamasynda oqýshylardyń estetıkalyq qabyldaýyn damytýǵa kóbirek kóńil bólingen, óıtkeni oqý ýaqytynyń basym bóligi mýzykamen, shyǵarmashylyqpen aınalysýǵa jáne qorshaǵan ortadaǵy tabıǵatpen qarym‑qatynas jasaýǵa arnalady. Sondaı‑aq oqýshylarǵa qaǵaz daıyndaý, ósimdikterge kútim jasaý sıaqty atalmysh araldyń dástúrli qolóner túrleri úıretiledi.

Ǵımarattyń ózi sıaqty mektep jıhazdary kóbine bambýkten jasalǵan. Mekteptiń janynda shaǵyn haıýanattar baǵy bar, ondaǵy ańdar oqýshylardyń qaraýynda.

 

«Mıllıoner» oqýshylarǵa arnalǵan mektep

Gstaad International School

Ornalasqan jeri: Montagola, Shveısarıa

Er balalarǵa arnalǵan tańdaýly mektep qabyrǵasy 2015 jyly burynǵy aralas pansıonnyń ornyna qalandy. Mektep negizin qalaýshylardyń oıynsha, bólek oqytý – birqatar basymdylyqqa ıe, olardyń eń bastysy er balalar ózderinen damý jaǵynan basymyraq keletin qyz balalardyń aldynda jeke tulǵa retinde erkin pikir almasa alady. Degenmen, munda oqýshylardy qarama‑qarsy jynys ókilderinen tolyǵymen oqshaýlandyrýǵa májbúrlemeıdi, mýzyka, mádenıettaný, qysqy sport túrleri sıaqty keıbir sabaqtar oqytýdyń aralas túrinde de ótkiziledi.

Atalmysh mektep Montredegi qyz balalarǵa arnalǵan barlyq mektepter tıesili bolǵan brıtandyq bilim berý tobyna kiredi. Mundaǵy bilim berý aqysy jylyna ata‑analardyń qaltasynan tólenetin 90 myń frankti quraıdy. Tabıǵaty ásem jer álpınızmmen shuǵyldanýǵa, tabıǵı landshafttardy tereńirek zertteýge tartady – osy ekeýine de mektep baǵdarlamasy jetkilikti dárejede kóńil bóledi. Mektep ǵımaraty men kampýs dástúrli shveısarıalyqtarǵa arnalǵan bıik taýly eldimekender stılinde turǵyzyldy jáne de syrttaı qaraǵanda mıllıonerlerdiń saıajaıy nemese qymbat qonaq úıdi eske salady.

 

Kishkentaı danyshpandarǵa arnalǵan mektep

Vittra Telefonplan

Ornalasqan jeri: Stokgolm, Shvesıa

Shvesıadaǵy eń úzdik mektepterdiń biri, bilim berý nysandarymen aınalysatyn Rosan Bosch sáýlet agenttigimen jobalanǵan. 2000 sharshy metrge jýyq bolatyn mekteptiń aýqymdy keńistigi Lego‑saıabaǵyn eske salady. Túrli‑tústi bloktar, erekshe qalyptaǵy jıhazdar, sabaq pen demalatyn oryndarǵa arnalǵan erekshe jobalanǵan aımaqtar jáne de kópfýnksıonaldy qoldanysty meńzeıtin nysandar – osynyń bári Shvesıadaǵy «bolashaq mektepter» toptamasynyń aıryqsha belgisi retinde ǵana kórinip qoımaı, bir jaǵynan oqýshylardyń keńistikti oılaý men sabaq oqý úderisi neǵurlym jemistirek bolýyna úlesin tıgizedi.

Mundaǵy bilim berý oqýshylardy jeke erekshelikteri men beıimdilikterine qaraı otyryp, birneshe tıpti baǵdarlamalarǵa bólýdi uıǵarady. Odan basqa, munda aqparattyq tehnologıalarǵa erekshe kóńil bólinedi, tipti birinshi synyp oqýshylarynyń ózinde de noýtbýkteri bar.

---