Álemdegi eń jyldam tasbaqa jáne janýarlardyń basqa da rekordtary
Gınestiń rekordtar kitaby 2016 jylǵy basylymynyń kórsetilimin jasady. Kórsetilimde olar jan-janýarlardyń rekordtaryna kópteý kóńil bóldi. Kitaptaǵy myńdaǵan rekordshylardyń arasynda - eń jyldam tasbaqa, eń mamyq qoıan jáne eń myqty qaqpashy ıt bar.
Jaqynda Guinness World Records-2016 basylymy jarıalandy. Onyń elektrondy nusqasy uıymdastyrýshylardyń resmı saıtynda bar. Uıymdastyrýshylar jýrnalısterge basylymdy kórsete kele, basylymdaǵy jan-janýarlardyń rekordtaryna asa kóńil aýdardy. Mysaly jer betindegi eń aýyr júrektiń salmaǵy 680 kg, ol kók kıtke tıesili.
Jer betindegi eń kári shoshqa - Kanadalyq Ernestına atty shoshqa. Ol 2014 jyly 23 jas 76 kúninde ólgen. Bul shoshqa osy kategorıadaǵy rekordty áli ustap tur. Rekordtar kitabynyń ókilderine budan kóp ómir súrgen shoshqa áli belgisiz.
Sonymen qatar bul basylymda japondyq Pýrın dep atalatyn fýtbolshy-ıt te bar. Ol "Qaqpada 1 mınýtta aldyńǵy eki aıaǵymen eń kóp dopty qaıtarǵan" degen krıterıamen kirgen. Pýrın óziniń qabiletimen bir jyldyń ishinde adamzatty eki ret tań qaldyrdy. Ol qańtar aıynda 11 dop qaıtarsa, birneshe aı ótkennen keıin 14 dop qaıtarǵan.
"Eń uzyn múıiz" kategorıasyn amerıkalyq Leızı Blúgrass atty ógiz jeńip alǵan. Onyń múıiziniń uzyndyǵy 297,8 sm.
Eń uzyn jún Francheskı atty AQSH-tyq qoıanǵa tıesili. Onyń júniniń uzyndyǵy 36,5 sm.
Al eń jyldam tasbaqa ataǵyn Anglıalyq Bertı atty tasbaqa jeńip alǵan. Ol bir saǵatta 0,6 mıl (966m-ge jaqyn) júredi, jáne 100 metrdi 6 mınýtta júrip ótedi eken.
You Might Also Like
-
Kúz týraly shyǵarma Tabıǵat jaratylysy ózine tán jyl on eki aı tórt mezgilmen ushtasady. Ár mezgil óz sulýlyǵymen tańdaı qaqtyrarlyqtaı. Mysaly qys - mamyqtaı jumsaq, kirshiksiz taza kóńildeı appaq...
-
1. Jolaýshynyń bir eshkisi, bir kapýstasy, bir qasqyry bar. Ol ózenniń bir jaǵynan ekinshi jaǵyna eki oryndy qaıyq arqyly ótýi kerek. jolaýshy eshkini, kapýsta jáne qasqyrdy ózennen qalaı ótkizdi? Qasqy...
