InfoHub Logo

Taqyryby: Álippe- ádemi, áripter álemi
Sabaqtyń maqsaty:
Bilimdilik: Oqýshylardyń saýat ashý pánin ótý barysynda alǵan bilimderin kórsetýge kómektesý.
Damytýshylyq: Mánerlep óleń, qara sózderdi aıtýǵa, úırengen bilim, bilik, daǵdylaryn ary qaraı jetildirýge jaǵdaı týǵyzý;
Tárbıelik: Oqýǵa, bilim alýǵa, qorshaǵan ortany aıalaýǵa, dostyq qarym - qatynas ornatýǵa tárbıeleý;
Sabaqtyń kórnekiligi: «Álippe», «Ana tili», «Matematıka» maketteri, qanatty sózder, sańyraýqulaq, gúlder, bezendirý quraldary
Erteńgiliktiń ótilý barysy:
Uıymdastyrý bólimi:
Oqýshylardy turǵyzý
Qonaqtardy qarsy alý
Jospary:
İ bólim « Rámizderim - maqtanyshym»
İİ bólim «Álippe – bilim bastaýy»
İİİ bólim «Ǵajaıyp matematıka»
İV bólim «Ana tili - dana tili»
V bólim «Ádeptilik álippesi»

Ashylý saltanaty
Qazaq bıi «Saryjaılaý»
Ana tili: Kelińder, kelińder, senderdiń álippeni qalaı oqyp beretindikterińdi, qanshalyqty meńgergendikterińdi baıqaıyn. Meniń dosym «Álippe» qaıda júr?
Álippe: Men basqa mektepterden «Álippe» merekesinde boldym. Endi senderge keldim.
Álippe:
Ustazdar men balalar,
Atalar men analar
Tanysyńdar dosymmen,
Dostasyńdar osymen.
Attanǵanda búgin men,
Ana tilin tanyńdar,
Oqyp ana tilin
Aqyl, bilim alyńdar.

Muǵalim:
Qurmetti ata – analar, ustazdar, oqýshylar, kelgen qonaqtar! Búgin sizder «Álippe - ádemi áripter álemi» atty erteńgilikti tamashalaǵaly otyrsyzdar. Qońyr kúzde kúmis qońyraý únimen alǵashqy bilim sabaǵyna engen shákirtterdiń tuńǵysh ret qoldaryna ustap, betin ashqan oqýlyǵy - Álippe. Bul kitap ǵylym dúnıesiniń alǵashqy soqpaǵy, bilimge bastsıtyn alǵashqy joly. Osy Álippe oqýlyǵy arqyly bizder 42 áripti meńgerip, endi odan ári úlken - úlken bıik shyńǵa kóterilmekpiz. Olaı bolsa, oqýshylar sizderge Álippeni qalaı oqyp meńgergenderin, qalaı eseptep, qalaı jaza alatyndaryn kórseteıik. Endeshe merekemizdi bastaıyq Mereke barshańyzǵa qutty bolsyn! Kezekti 1 - klass búldirshinderine berelik.
1 - júrgizýshi: Armysyzdar, qurmetti qonaqtar!
2 - júrgizýshi: Sálemetsizder me, ata – analar, ustazdar!
1 - júrgizýshi: Elimizde jylma – jyl biz tárizdi tuńǵysh mektep esigin ashýshy búldirshinder qatary artýda.
2 - júrgizýshi: Al, búgingi kúni sol búldirshinderdiń barlyǵynyń, sonyń ishinde Qorǵantuz orta mektebiniń 1 - klass oqýshylarynyń qýanyshynda shek joq.
1 - júrgizýshi: Sebebi, biz tuńǵysh ret qolymyzǵa ustaǵan alǵash hat tanyp, saýatymyzdy ashqan dosymyz - Álippemen qoshtasamyz.
2 - júrgizýshi: Olaı bolsa erteńgiligimizdi bastaýǵa ruqsat etińizder! Erteńgilik mynadaı bólimderden turady. Osy bólimderdiń ataýyna saı oqýshylardyń az ýaqyt ishinde alǵan bilimderi men ónerlerine kýá bolasyzdar.
Altyn kún tógedi shapaǵyn,
Shyrqaımyz ómirdiń shat ánin.
Myń alǵys ózińe, ustazym,
Myń alǵys ózińe, mektebim!
1 - júrgizýshi: Oqýshynyń basty mindeti – oqý. Bilimin odan ári shyńdaý úshin úlken izdenispen eńbektenip, mektep qabyrǵasynan sapaly bilim alyp, ónegeli tárbıe alyp, elin, jerin qorǵaıtyn el azamat bolyp ósýi kerek. Álippeniń alǵashqy betinde Elbasymyz Nursultan Nazarbaevtyń búldirshinderge arnalǵan danalyq sózinde bylaı degen:.... ( Bir oqýshy daýystap oqyp beredi)
Elbasymyzdyń bul danalyq sózin jaı ǵana oqyp, qoımaı árdaıym jadymyzda saqtaıyq!
İ bólim «Meniń elimniń rámizderi»
1 - júrgizýshi: Egemendi elimiz jer betindegi basqa memlekettermen terezesi teń órkenıetti el retinde tanyldy. Ár memleketterdiń óziniń týy, eltańbasy, gımni bolady. Olar sol eldiń memlekettik belgisi. Bul belgilerdi «Rámizder» dep ataıdy.
Olaı bolsa bul týraly oqýshylarymyz ne?- deıdi eken. Kezekti oqýshylarymyzǵa berelik.
1 - oqýshy:
Otan – meniń ata - anam,
Otan – dosym, baýyrym.
Otan - ólkem, astanam,
Otan týǵan aýylym!
T. Moldaǵalıevtiń «Respýblıka rámizderi» atty óleńi oqylady.
2 - oqýshy: «Ánuran» 3 - oqýshy: «Eltańba» 4 - oqýshy: «Bizdiń tý»
Álippe: Balalar «Rámizder» týraly birneshe suraǵym bar. Sol suraqtarǵa qalaı jaýap berer ekensińder.
1. Elbasymyz kim? ( N. Á. N)
2. Táýelsizdigimizdiń bıyl neshe jyldyǵyn toılap jatyrmyz?
3. Qazaqstan Respýblıkasynyń astanasy qaı qala?
4. Rámizderdi ata.
2 - júrgizýshi:
Kók júzinde kógildir.
Gúl jaınaǵan móldir nur,
Qazaqstan jalaýy –
Jelbireıdi aspanda,
Otan orny asqarda. – dep
Hor: «Baqytty balalyq shaq» ánimen búldirshinderimizdi ortaǵa shaqyraıyq
1 - júrgizýshi:

İİ bólim. «Álippe – bilim bastaýy»
Bul bólimde: «Álippeniń betterinen osy ýaqytqa deıin ne úırendik?» sol jaıynda óz bilgenderińdi ortaǵa salap, alǵan bilimderińdi saralaıdy.
Barlyq árip baǵaly,
Aıttyq ádil baǵany
Áripsiz sóz bolmaıdy,
Býyn onsyz tolmaıdy
Adam barlyq áripti
Ardaqtaıdy qoldaıdy
2 - júrgizýshi
Alfavıtter kelińder,
Oryndaryńa turyńdar
Bastaıyq qane aıtysty