InfoHub Logo

Almaty oblysy Jambyl aýdanyndaǵy Ú.Káribaev atyndaǵy orta mekteptiń bıologıa pániniń muǵalimi Gúlhan Nurǵazıeva Almaty oblysy boıynsha «Jyldyń úzdik muǵalimi - 2016» baıqaýynda bas júldeni qanjyǵalady. Ustazdar merekesine oraı ótken saltanatty sharada Almaty oblysynyń ákimi Amandyq Batalov Gúlhan Elýbaıqyzyna jeńil avtokóliktiń kiltin tabys etti.

«Qazaq Ulttyq pedagogıkalyq ýnıversıtetiniń hımıa jáne bıologıa fakúltetiniń mamany bolyp, búginde boıymdaǵy bilimimdi shákirtterime úıretip, oqytyp jatqanymdy maqtan tutamyn. Men ótte baqytty ustazbyn. Eńbek jolymdy bastap, osy salada jumys istep kele jatqanyma 14 jyl boldy. Ustazdardyń tól merekesi qutty bolsyn!. Shyn júrekten quttyqtaımyn!»,- dedi óz qýanyshymen bólisken Gúlhan Elýbaıqyzy.

Ulaǵatty ustazdardyń mereıin asqaqtatqan saltanatty sharada sondaı-aq «Úzdik balabaqsha» Qarasaı aýdany «Bota» balabaqshasy , «Úzdik aýyl mektebi» - Aqsý aýdany Q.Sátbaev atyndaǵy orta mektep, «Úzdik kásiptik bilim berý mekemesi» - Esik gýmanıtarlyq-ekonomıkalyq koleji, «Úzdik synyp jeteshisi»- Qapshaǵaı qalasyndaǵy №3 orta mekteptiń ustazy Jansaıa Narymbaeva, «Orta bilim beretin úzdik uıym» - Qapshaǵaı qalasynyń orta mektep gımnazıasy úzdikterdiń qatarynan tanylyp, aqshalaı syılyqtarǵa ıe boldy.

Sharaǵa qatysqan Almaty oblysynyń ákimi Amandyq Batalov barsha muǵalimderdi búgingi merekelerimen quttyqtap, urpaq tárbıeleý jolyndaǵy ulaǵatqa toly eńbekterine jemis tiledi. « Ustaz - qoǵamdaǵy eń qurmetti mamandyqtyń biri. Óıtkeni, ustaz shákirttiń júregine bilimge qushtarlyqty, Otanǵa súıispenshilikti uıalatady. Qazirgi tańda oblysta 2011 jylmen salystyrǵanda bilim salasynyń búdjeti 2 esege ulǵaıyp, 148 mlrd.teńgeni qurady. Táýelsizdik alǵannan beri Almaty oblysynyńda 174 jańa bilim berý mekemesi salyndy», - dedi A. Batalov.

Sondaı aq shara barysynda «Y. Altynsarın» tósbelgisi úzdik úsh ustaz Marıa Galıeva, Panar Imanǵazıva jáne Ermek Almabekovke tabys etildi.

---