InfoHub Logo

Qazirgi úılerdi tońazytqyshsyz elestetý múmkin emes. Bári tońazytqysh sýyqty ishinde saqtaıtyndyǵyn biledi. Sondyqtan ishinde saqtalatyn azyq-túlikter uzaq ýaqyt boıy buzylmaıdy. Tońazytqyshtyń qurylysy qandaı?

Tońazytqyshtyń 4 negizgi quraýshy bóligi bar:

1. Hladagent – aınalyp júretin jáne jylýdy tasymaldaıtyn zattek. Hladagent retinde freon gazy qoldanylady.

2. Kompresor – nasos qaǵıdasy boıynsha jumys isteıtin jáne hladagentti sheńber boıymen aıdaıtyn motor.

3. Kondensator – ol arqyly jylý syrtqa, qorshaǵan ortaǵa shyǵady. Kondensator – bul tońazytqyshtyń artqy qabyrǵasyndaǵy tor.

4. Býlandyrǵysh – ol tońazytqyshtaǵy jylýdy alyp shyǵady. Ádette ońazytqyshtyń artqy qabyrǵasy býlandyrǵysh qyzmetin atqarady.

Turmystyq tońazytqyshtyń negizgi bólikteri:
1 - býlandyrǵysh, 2 - kondensator, 3 - keptirýshi-fıltr, 4 - kapıllár, 5 - kompresor

Kompresor býlandyrǵyshtyń ishinen hladagentti jutady. Bul kezde hladagent bý kúıinde bolady. Kompresor qysymmen ony kondensatorǵa júkteıdi. Hladagent qysymnan syǵylyp, gazdan suıyq kúıge aýysady. Sonymen birge temperatýrasy kóteriledi. Ystyq gaz kondensatordyń trýbalarymen ótkende qorshaǵan keńistikke jylýyn beredi jáne nátıjesinde bólme temperatýrasyna deıin sýıdy.

Sodan keıin óte tar sańlaý arqyly (kapıllár) hladagent býlandyrǵyshtyń ishine túsedi. Onyń qysymy birden azaıyp, jáne sonyń arqasynda hladagent býlanady. Ol qaınap, býǵa aınalady. Sonymen birge ol qatty sýıdy. Nátıjesinde býlandyrǵyshtyń qabyrǵasyndaǵy jylýdy alyp, al býlandyrǵysh óz kezeginde tońazytqyshty jáne onyń ishindegi azyq-túlikterdi sýytady

Osylaısha, hladagent myna sıkl boıynsha jumys isteıdi: kondensatordyń ishinde ol joǵary qysymnyń áserinen suıyqtyqqa aınalady jáne jylý bólý arqyly suıyq kúıge aýysady, al býlandyrǵyshta tómen qysymnyń áserinen qaınaıdy jáne jylýdy jutyp gazǵa aınalady.

Kompressııaly tońazytqyshtyń jumys isteý syzbasy
1 - kondensator, 2 - kapıllár, 3 - býlandyrǵysh, 4 - kompresor

Tońazytqyshtyń mindetti túrde jylý rettegishi bolady. Onyń kómegimen tońazytqysh kamerasyn sýytý temperatýrasy qoıylady. Osy temperatýraǵa jetkende jylý rettegishi elektr tizbegin ajyratady jáne kompresor toqtaıdy.

Biraz ýaqyttan keıin tońazytqyshtyń ishindegi temperatýra qaıtadan kóterile bastaıdy (qorshaǵan ortanyń áserinen). Sonda jylý rettegishiniń túıisýleri ajyraıdy jáne motor-kompressordyń elektr qozǵaltqyshy qorǵaýshy releniń kómegimen iske qosylady. Tońazytqysh ishindegi temperatýra qajet shamaǵa deıin tómendemeıinshe búkil sıkl basynan qaıtalana beredi.

Sondyqtan tońazytqyshtyń dúrkin-dúrkin shýyldap, keıin qaıtadan tynyshtalǵanyn estıtinimizdiń sebebi osyda. Bul kompresordyń elektr qozǵaltqyshynyń qosylyp óshýi.

Keptirýshi-fıltr hladagentti tazalaý jáne keptirý úshin qajet. Keptirýshi-fıltr ylǵaldy jutatyn zattekpen (sılıkagel nemese seolıt) toltyrylǵan sılındr bolyp keledi.  Hladagent suıyqtyqqa aınalatyn joǵary qysymdy jerden, qysymy tómen jerge barady. Ol jerde hladagenttiń qysymy tómendep jáne ol býǵa aınalady.

---