InfoHub Logo

Almaty halyqaralyq áýejaıyndaǵy aýqymdy jańǵyrtý jumystary aıaqtalǵan soń, 2000-nan astam jańa jumys orny ashylady. Bul týraly QR Kólik mınıstrliginiń baspasóz qyzmeti habarlady.

Bul týraly Infohub.kz aqparat agenttigi habarlaıdy.

Áýejaıdy damytýdyń 2050 jylǵa deıingi uzaq merzimdi jospary aıasynda júrgizilip jatqan jańǵyrtý jumystary áýejaıdyń ótkizý qabiletin jylyna 40 mıllıon jolaýshyǵa deıin arttyryp, 2300-ge jýyq jumys ornyn qurýǵa múmkindik beredi.

İshki reıster termınalyndaǵy jumystar

Áýejaıdyń ishki reısterge arnalǵan termınaly (T1) keshendi túrde jańartylýda. Tirkeý jáne bagaj alý aımaqtary jańartylyp, jumystar osy jyldyń shilde aıynda aıaqtalady dep josparlanǵan.

Sonymen qatar, avtoturaqtardyń aýmaǵy ulǵaıtylyp, áýejaı aýmaǵynda qonaq úı keshenin salý úshin alań daıyndalýda.

Halyqaralyq termınal men perrondaǵy jańartýlar

Halyqaralyq termınalda (T2) tóbe qurylymdary jańartylýda. Perronda ushaqtardy maı quıý kesheni jáne muzǵa qarsy óńdeý alańdary sıaqty áýejaı ınfraqurylymynyń mańyzdy nysandary jańǵyrtylýda.

Horizon jospary

Bul jumystardyń barlyǵy Horizon master-josparynyń birinshi kezeńine kiredi. Bul kezeńde 130-dan astam ınfraqurylymdyq joba qamtylǵan. Olardyń qatarynda uzyndyǵy 4400 metr bolatyn jańa ushý-qoný jolaǵyn salý, ushý-qoný jolaǵyn rekonstrýksıalaý, VIP-perron men turaqtardy jańartý, júk perrony men tehnıkalyq qyzmet kórsetý angaryn qurý bar.