InfoHub Logo

Keshe keshkisin Almaty, Taldyqorǵan jáne Talǵar qalalarynyń turǵyndary jer silkinisin sezindi. Tótenshe jaǵdaılar mınıstrliginiń baspasóz qyzmeti jaǵdaıǵa qatysty túsinikteme berdi.

Bul týraly Infohub.kz aqparat agenttigi habarlaıdy.

Áleýmettik jelilerdegi jazbalar

Taldyqorǵan men Talǵar turǵyndary jer silkinisi týraly áleýmettik jelilerde habarlap jatyr.

TJM málimeti

Vedomstvonyń baspasóz qyzmetiniń habarlaýynsha, 4 maýsym kúni saǵat 21:19-da QR TJM seısmıkalyq stansıalar jelisi jer silkinisin tirkegen.

Epısentr Almatydan soltústik-shyǵysqa qaraı 316 shaqyrym jerde, Qazaqstan aýmaǵynda ornalasqan.

Epısentrdiń koordınattary: 44,547° soltústik endik jáne 80,405° shyǵys boılyq. Oshaqtyń tereńdigi 30 shaqyrymdy qurady.

MSK-64 shkalasy boıynsha eseptelgen jer silkinisiniń qarqyndylyǵy:

TJD derekteri

Óńirlik TJD habarlaǵandaı, Jetisý oblysynda jer silkinisi tirkelgen, zardap shekkender men qıraýlar joq.

"Epısentrden eń úlken sezimtaldyq Jetisý oblysy, Panfılov aýdany, Jarkent qalasynda tirkeldi — 4 bal. Oblystyń birqatar eldi mekenderinde, sonyń ishinde Sarqan, Jansúgirov, Tekeli jáne Qarabýlaq qalalarynda jer asty dúmpýleri 3 balǵa deıin sezildi. Taldyqorǵanda jáne oblystyń basqa da eldi mekenderinde sezimtaldyq 2 baldy qurady", - dep habarlady vedomstvo.

Aqparatty alǵannan keıin birden Jetisý oblysy TJD kúshteri men quraldary daıyndyqqa keltirildi. Turǵyndardan 101 jáne 112 shuǵyl qyzmet telefondaryna 30 qońyraý túsken.

Tirshilikti qamtamasyz etý obektileri shtattyq rejımde jumys istep tur. "Qazselqorǵaý" jáne "Qazsýshar" mamandary gıdrotehnıkalyq qurylystardy tekserýde.

Osy ýaqytqa deıin zardap shekkender men qıraýlar týraly málimet túsken joq.

Keıinirek TJM-de naqtylanǵandaı, "Qazselqorǵaý" gıdrobeketteriniń baıqaýshylary gıdrotehnıkalyq qurylystardy tekserýden ótkizdi — deformasıalar men jaryqtar anyqtalmaǵan, jaǵdaı turaqty. Zardap shekkender men qıraýlar týraly málimet túsken joq.

Aıta keteıik, Almaty turǵyndary da áleýmettik jelilerde jer asty dúmpýlerin sezingenderin jazady.