InfoHub Logo

Almaty oblystyq soty Sherzat isi boıynsha úkimdi ózgerissiz qaldyrdy,-dep habarlaıdy Infohab.kz.

Almaty oblystyq sotynda qoǵamda úlken rezonans týdyrǵan Sherzat Polatty óltirý isine qatysty apelásıalyq shaǵym qaraldy. Sýdıa Dosymbek Qaldarbek isti jan-jaqty zerdelep, taraptardyń ýájin tyńdaǵannan keıin alǵashqy ınstansıadaǵy úkimdi tolyq kólemde kúshinde qaldyrdy.

Apelásıalyq shaǵymdy segiz sottalǵan adamnyń advokattary túsirgen bolatyn. Al toǵyzynshy aıyptalýshy — Dýman Ysqaq jazasyn ótep, bostandyqqa shyqqandyqtan, shaǵymǵa qatysqan joq.

Eske sala keteıik, 5 maýsymda birinshi satydaǵy sot osy iske qatysty úkim shyǵarǵan edi. Sot sheshimimen toǵyz adam kináli dep tanylyp, olar bir jarym jyldan 23 jylǵa deıingi merzimge bas bostandyǵynan aıyrylǵan.

Bul is qoǵamda qyzý talqylanǵan bolatyn. Jábirlenýshi tarap sottyń ádildigine kúmán keltirse, aıyptalýshylardyń qorǵaýshylary jazanyń tym qatań ekenin alǵa tartqan. Alaıda oblystyq sot alǵashqy sheshimdi ózgerissiz qaldyryp, istiń núktesin qoıdy.