Qytaıda joǵalǵan kúıeýin izdeýge, ákimdikten kómek suraǵan áıelge aıyppul salyndy
Qytaıǵa ketkennen keıin habarsyz ketken kúıeýin izdegen Almaty turǵyny Gúldárıa Sherzatqa sot aıyppul saldy. Bul týraly Infohub.kz tilshisi habarlady.
Gúldárıa kúıeýi Álimnur Turǵanbaıdyń taǵdyryna alańdap, bala-shaǵasymen birge Almaty qalasy ákimdiginiń aldyna baryp, ákimniń shyǵýyn talap etken. Ol sheneýnikterden joldasyn taýyp berýge kómektesýdi suraǵan. Alaıda áıelge «beıbit jıyn ótkizý tártibin buzý» baby boıynsha aıyp taǵylyp, aıyppul salynǵan.
«Aıyppul tóleıtindeı jaǵdaıym joq. Joldasymdy izdeımin be, álde aıyppulǵa aqsha izdeımin be? ‘Onda qansha táýlik bolsa da, jatyp ótep keteıin’ desem, ‘kámelet jasqa tolmaǵan balańyz bar’ dedi», — dedi Gúldárıa Sherzat.
48 jastaǵy Álimnur Turǵanbaı 23 shilde kúni jumys babymen Qytaıǵa ketken. Sodan beri baılanysqa shyqpaǵan. Joldasy ony shekarada Qytaı polısıasy ustaǵan bolýy múmkin dep sanaıdy. Biraq Qazaqstan men Qytaıdyń tıisti organdary naqty aqparat bermeı otyr.
Álimnur Turǵanbaı 2016 jyly otbasymen birge Qytaıdan kóship kelgen. 2017 jyly Qazaqstan azamattyǵyn alǵan.
You Might Also Like
-
Taǵdyr – adamǵa berilgen eń kúrdeli synaq. Ol bizge aldyn ala suramaı, eskertpeı-aq, tosyn minez kórsetip jatady. Bireýdi erkeletip ósirse, endi bireýdi erte eseıtedi. Birine jol ashsa, ekinshisine júk artady. Al men úshin taǵdyr – aýyr sabaqtardyń, ishke búkken jan aıqaılardyń, únsiz kúrestiń ataýy.
-
7 tamyz – ıadrolyq qarýǵa tyıym salý kúni. Bul kún adamzat tarıhyndaǵy eń qasiretti sátterdiń biri – 1945 jyly Hırosıma qalasyna atom bombasynyń tastalýymen tyǵyz baılanysty. Sol kúni tańǵy 8:15-te ...
