InfoHub Logo

Búgin Almaty qalasynda turǵyndardy tań qaldyrǵan tabıǵat qubylysy boldy. Kenetten soqqan qatty jel qalany qalyń bulttarǵa orap, keıbir turǵyndardy alańdatty. Bul týraly qala turǵyndary áleýmettik jelilerde jarysa jazdy.

Bul týraly Infohub.kz aqparat agenttigi habarlaıdy.

Turǵyndardyń aıtýynsha, jel kúrt kúsheıip, qala aspany tez qarańǵylanyp ketken. Keıbir kýágerler jeldiń ekpini sonshalyqty qatty bolǵanyn, tipti úılerdiń shatyrlary men terezeleriniń dirildegenin aıtady.

Jeldiń sebebi ne?

Áleýmettik jelidegi jazbalarǵa qaraǵanda, jelmen birge tómende ornalasqan, aspandy tutasymen japqan bulttar paıda bolǵan. Sarapshylar muny «daýyldy jaǵa» nemese «val bulty» dep ataıdy eken. Bul – naızaǵaıly fronttyń aldyńǵy jaǵynda paıda bolatyn, aınalmaly sılındrge nemese qubyrǵa uqsaıtyn, kóldeneń bult tizbegi. Mundaı bulttar ádette qatty jelmen birge júredi.

Bir turǵyn Threads jelisinde bylaı dep jazdy: «Tańnan beri erekshe tabıǵat qubylysyn baıqadyq – daýyldy jaǵa, nemese val bulty ekenin ChatGPT aıtty. Jyly aýanyń (smogtyń) osy bultpen joǵary qaraı jınalyp jatqanyn kórýge bolady. Demek, Almaty taǵy birneshe kún taza aýamen dem alady».

Basqa qalalardaǵy jaǵdaı

Jel tek Almatyda ǵana emes, basqa qalalarda da sezilgen. Mysaly, Shymkentte túnde qatty jel men naızaǵaı bolǵany týraly habarlandy. Bishkekte de jeldiń ekpini baıqalǵan.

Jambyl oblysynda jeldiń ekpini sekýndyna 30 metrge deıin jetken. Oblys ákimdiginiń málimetinshe, 7 eldi mekendegi 25 nysannyń shatyry zaqymdalǵan. 13 eldi mekende elektr qýatymen, 3 eldi mekende gazben jabdyqtaýda úzilister bolǵan. Qazirgi ýaqytta komýnaldyq qyzmetter kúsheıtilgen rejımde jumys istep jatyr. Qurbandar men zardap shekkender joq.

Qazgıdromet Almatyǵa tek tuman bolatynyn eskertkenimen, Almatydaǵy jaǵdaı múldem basqasha boldy.