tengrinews.kz
Almatyda 11 adamnan turatyn qylmystyq top ustaldy
Almatyda esirtki bıznesimen aınalysqan ınternet-dúkenniń joly kesildi. Polısıa operasıa barysynda 11 adamnan turatyn qylmystyq topty ustady. Bul top qala men oblys aýmaǵynda esirtkini baılanyssyz satýmen aınalysqan.
Bul týraly Infohub.kz aqparat agenttigi habarlaıdy.
Qylmystyq toptyń qurylymy
Ustalǵandardyń qatarynda qylmystyq topty uıymdastyrýshylar, olardyń jumysyn úılestirgen operatorlar jáne aqsha aınalymyn basqarǵan tulǵalar bar.
Tárkilengen zattar
Jedel-izdestirý sharalary nátıjesinde 3 kılogramǵa jýyq sıntetıkalyq esirtki tárkilendi. Sonymen qatar, qylmystyq áreketterdi úılestirýge paıdalanylǵan baılanys quraldary, bank kartalary jáne sıfrlyq jad qurylǵylary da alyndy.
Tergeý bastaldy
Atalǵan fakti boıynsha sotqa deıingi tergeý bastaldy. Buǵan deıin Mańǵystaý oblysynda tórt adamnan turatyn esirtki satatyn qylmystyq toptyń joly kesilgen bolatyn.
-
Ánshi Roza Rymbaevanyń kenje uly Mádı Rymbaev áleýmettik jelidegi syn-pikirlerge jaýap berip, óziniń kásibıligin qorǵady.
-
Buryn saýyqtyrý ortalyǵy retinde tanymal bolǵan «Qapal-Arasan» kýrortynyń búgingi kúni kúırep, joıylyp bara jatqany týraly materıal.
