tengrinews.kz
Almatyda iri kólemdegi sel júrdi: Zardap shekkender joq
Almaty qalasynyń Bostandyq aýdanynda 16 sáýir kúni keshkisin iri kólemdegi sel júrdi. Bul týraly Infohub.kz aqparat agenttigi habarlaıdy.
Oqıǵa «Remızovka» baý-baqsha seriktestigi aýmaǵynda bolǵan. Tótenshe jaǵdaılar departamentine habar túskennen keıin, qutqarýshylar men mamandar dereý oqıǵa ornyna attandy. Tekserý barysynda qatty jaýyn saldarynan topyraqtyń shamadan tys ylǵaldanyp, shamamen 300 tekshe metr kólemdegi topyraq massasynyń jyljyǵany anyqtaldy.
Seldiń saldary
Sel saldarynan birneshe úıdiń shatyry zaqymdaldy. Abyroı bolǵanda, adam shyǵyny tirkelgen joq. Oqıǵa ornyndaǵy jumystarǵa 40-qa jýyq adam men 10 birlik tehnıka jumyldyryldy. Qazirgi ýaqytta jaǵdaıdy komısıalyq tekserý jalǵasyp, aýmaqta TJD jáne polısıa qyzmetkerleri kezekshilik atqarýda.
TJD usynystary
Almaty qalasynyń TJD sel qaýpin aldyn alý maqsatynda turǵyndarǵa birqatar usynys jasady. Olardyń qatarynda septıkter men shuńqyrlardy durys paıdalaný, sý qubyrlary men drenajdyq júıelerdiń jaǵdaıyn baqylaý, sondaı-aq aýmaqta sýdyń jınalýyna jol bermeý jáne jaýyn-shashyn sýyn ýaqytyly burý jumystaryn júrgizý bar. Bul sharalar topyraq jyljýynyń aldyn alýǵa jáne tótenshe jaǵdaılardyń týyndaý qaýpin azaıtýǵa kómektesedi.
-
Qordyń burynǵy basshysy Galymjan Ábilov jáne jeke klınıka dırektory jalǵan medısınalyq qyzmetter kórsetkeni úshin kináli dep tanyldy.
-
Áleýmettik jelide jeke ómirine qatysty beınematerıaldar tarap, kópshiliktiń talqysyna túsken asaba Han jubaıymen birge alǵash ret pikir bildirip, qýanyshty jańalyǵymen bólisti.
