InfoHub Logo

Densaýlyq saqtaýdy damytý qorynyń (DSQ) burynǵy basshysy Galymjan Ábilov jáne jeke klınıka dırektory jalǵan medısınalyq tekserýler arqyly qordy aldap, aqsha jymqyrǵandary úshin sottaldy. Bul is qoǵamdyq medısınalyq saqtandyrý júıesindegi (QMS) sybaılas jemqorlyqtyń taǵy bir kórinisin áshkereledi.

Bul týraly Infohub.kz aqparat agenttigi habarlaıdy.

Klınıkany týysynyń atyna rásimdep, jalǵan qyzmetter kórsetken

Sot úkimi boıynsha, Galymjan Ábilov 2022 jyly Shyǵys Qazaqstan oblysyndaǵy DSQ fılıalyn basqarǵan kezinde «Semeınaıa ambýlatorıa» jeke klınıkasymen 786 mıllıon teńgege kelisimshartqa otyrǵan. Keıinnen ol klınıkany óz týysynyń atyna rásimdep, ony basqarýdy qolǵa alǵan.

Ábilov óziniń qyzmetin paıdalanyp, klınıkanyń kórsetpegen medısınalyq qyzmetteri úshin, sonyń ishinde profılaktıkalyq tekserýler men skrınıngter úshin Qordan aqsha alǵan. Bul áreketter arqyly ol jáne klınıka dırektory A.R. jalpy somasy 16,6 mıllıon teńgeden astam qarjyny jymqyrǵan.

Sot úkimi jáne jaza

Galymjan Ábilov qylmystyq ister jónindegi mamandandyrylǵan aýdanaralyq sotymen laýazymdyq ókilettigin asyra paıdalanǵany jáne kásipkerlik qyzmetke zańsyz aralasqany úshin kináli dep tanyldy. Ol 3 jyl 6 aıǵa bas bostandyǵyn shekteý jazasyna kesilip, memlekettik qyzmette jáne kvazımemlekettik sektorda qyzmet etý quqyǵynan ómir boıy aıyryldy.

Klınıka dırektory A.R. da osy qylmysqa kómekteskeni úshin 3 jyl 6 aıǵa bas bostandyǵyn shekteý jazasyna kesildi. Ekeýi de kinásin moıyndap, keltirilgen zalaldy ótegeni úshin jeńildik aldy.