InfoHub Logo

Týrızm jáne sport mınıstri Erbol Myrzabosynov Almatynyń ortalyq stadıony qazaqstandyq «Qaırat» pen ıspandyq «Real Madrıd» arasyndaǵy fýtbol machyn ótkizýge daıyn ekenin aıtty, dep habarlaıdy Infohub.kz.

26 tamyz kúni «Qaırat» fýtbol klýby Chempıondar lıgasynyń negizgi kezeńine shyqty. Kóp ótpeı almatylyq komandanyń Real Madrıdpen oınaıtyny belgili boldy. Ispandyq komanda Qazaqstanǵa keledi.

Myrzabosynovtyń aıtýynsha, Almaty qalasy qarsylasyn qabyldaýǵa daıyn.

«Machqa eń myqty komanda – «Real Madrıd» kelmek. Bul shynymen de oqıǵaly týrızm. Osy ýaqytqa deıin is-sharalar ótkizilip keldi. Budan biz daıyn ekenimizdi kórdik. Infraqurylymymyz osyndaı kólemdegi is-sharalardy ótkizýge daıyn», - dedi mınıstr.

Erbol Myrzabosynov Almatydaǵy stadıon ÝEFA talaptaryna saı keletinin jáne tórtinshi sanatqa jatatynyn atap ótti.