InfoHub Logo

Atyraýda №30 mekteptiń eks-qyzmetkeri Dýlat Dalıev dırektordyń oqý isi jónindegi orynbasaryn 2013 jyly ózine tıiskenin aıtyp, beıneótinish jasady, dep habarlaıdy Infohub.kz.

Bul isti er adam 10 jyldan astam ýaqyt boıy jasyryp kelgen. Eks-muǵalimniń aıtýynsha, 2013 jyly ol mektepke jumysqa ornalasqan. Dırektor orynbasary jigittiń kategorıa jáne alǵashqy jalaqy alýyn atap ótýdi usynǵan.

Dırektor orynbasary ony áýeli meıramhanaǵa keıin páterge shaqyrǵan. Biraq mas bolǵan jas maman tańerteń jalańash kúıde oıanypty.

"Páterde taǵy eki er adam boldy. Sol kezde ol maǵan: "Bizdiń álemge qosh keldiń. Endi sen bizdensiń" dedi. Eger bireýge men týraly aıtatyn bolsań, seni de aıtamyn dep qorqytty", – deıdi eks-qyzmetker.

Qazirgi tańda dırektordyń orynbasary qaladaǵy mektepterdiń birinde dırektor eken. Bul jaǵdaıǵa qatysty mektep dırektory ózi pikir bildirdi. Sózinshe IT mamany jalǵan aqparat berip otyr eken.