InfoHub Logo

Almatydaǵy joldar BAKAD-qa shyǵady: qala ákimi jumys barysyn tekserdi

Almaty qalasynyń ákimi Darhan Satybaldy qalanyń jol ınfraqurylymynyń damý barysymen tanysty, dep habarlaıdy Infohub.kz aqparat agenttigi.

Almatydaǵy kólik magıstralderin BAKAD-qa shyǵarý jumystary qarqyndy júrip jatyr. Qala ákimi Darhan Satybaldy jol qurylysynyń barysyn tekserdi.

Jol jumystary qalaı júrip jatyr?

Darhan Satybaldy qalanyń jol ınfraqurylymynyń damýyn, sonyń ishinde radıaldy magıstralderdi salý jobalaryn BAKAD-qa shyǵarý máselelerin qarastyrdy. Ákimdik basshysy merdigerlermen kezdesýde jumys merzimin saqtaý, sapasyn arttyrý jáne árbir kezeńge jeke jaýapkershilikpen qaraý kerektigin atap ótti.

Darhan Satybaldynyń aıtýynsha, qazirgi ýaqytta Abaı dańǵyly men Rysqulov kóshesin, sondaı-aq Saın kóshesin, Soltústik aınalma jolyn jáne Tlendıev kóshesin qala shekarasyna deıin jetkizý jumystary jalǵasýda. Aqyn Sara kóshesiniń qurylysy aıaqtaldy. Almaty men aglomerasıanyń kólik baılanysyn qamtamasyz etý úshin bul magıstralderdi BAKAD-qa deıin jetkizý qajet.