InfoHub Logo

Almaty qalasyndaǵy kólik ıeleri jaqyn arada qandaı ózgeristerge tap bolatyny belgili boldy. Ákimdik atalǵan jobanyń daıyndyq kezeńinde ekenin jáne naqty merzimder, shekaralar men erejeler áli belgilenbegenin habarlady.

Bul týraly Infohub.kz aqparat agenttigi habarlaıdy.

Ekologıalyq aımaqtar jáne olardyń mańyzy

Almaty qalalyq máslıhaty 2025 jylǵy 30 jeltoqsanda «Aýany qorǵaý erejelerin» bekitti. Bul qujat tórt negizgi baǵytty qamtıdy:

Buǵan deıin qala ákiminiń orynbasary Almasqan Smatlaev LEZ aımaqtarynda tek ekologıalyq normalarǵa sáıkes keletin (Eýro-5 standartynan tómen emes) kólikterdiń júre alatynyn aıtqan bolatyn. Ereje buzylǵan jaǵdaıda ákimshilik jaýapkershilik qarastyrylady.

Smatlaev 2026 jyly Almatyǵa kirý aqyly bolmaıtynyna sendirdi. Bul normany engizý úshin Ekologıalyq kodekske ózgerister engizý qajet.

Júrgizýshiler bilýi tıis mańyzdy málimetter

Jelide ekologıalyq aımaqtardyń boljamdy shekaralary týraly aqparattar tarady. Atap aıtqanda, Abaı, Dostyq, Jeltoqsan jáne Bógenbaı batyr kósheleriniń qıylysy, sondaı-aq Saın, Rysqulov jáne VOAD kósheleriniń aýmaǵy aımaq retinde qarastyrylýda. Alaıda, ákimdik joba boıynsha jumystar áli jalǵasyp jatqanyn habarlady. Kelisimnen keıin naqty shekaralar jarıalanady.

Qala ákimdigi ekologıalyq aımaqqa kiretin kólikterdi anyqtaý úshin arnaıy jol belgileri ornatylatynyn habarlady. Tolyq aqparat tıisti qaýly qabyldanǵannan keıin jarıalanady.

Eń kóp suralǵan másele – «ekologıalyq emes» kólikterdiń aımaqqa kirgeni úshin jaýapkershilik. Ákimdik alǵashqy kezeńde aıyppul salynbaıtynyn málimdedi.

«Ekojúıege arnalǵan tańbalaýdy engizý josparlanýda – dástúrli emes, sıfrlyq. LEZ aımaǵyndaǵy buzýshylyqtardy «Sergek» ıntellektýaldy beınebaqylaý júıesi arqyly anyqtaý kózdelýde», – dep atap ótti ákimdik.

Tómen ekologıalyq klasty kólikterdiń ıelerine kólikteriniń tehnıkalyq jaǵdaıyn muqıat qadaǵalaý usynylady. Pılottyq kezeńde eshqandaı shekteýler engizilmeıdi.

«Bul ekologıany jaqsartýǵa baǵyttalǵan naqty shyǵaryndylardy baqylaý júıesi. Bul kezeńde júrgizýshilerge tehosmotrdan ótýdi usynamyz», – delingen jaýapta.

Eski kólikterdi (Evro-0 – Evro-4) satyp alý baǵdarlamasy áli bastalmaǵan. Ákimdik bul másele boıynsha jumystar júrgizilmegenin habarlady.

Bolashaq ekologıalyq aımaqtardyń turǵyndary úshin

Ekologıalyq aımaqtardyń ishinde turatyn turǵyndar úshin erekshe jaǵdaılar qarastyrylady.

«Kompromıstik tetikter ázirlenedi. Bul jumys júrgizilýde. Kelisý rásimderi aıaqtalǵannan keıin aqparat Almaty ákimdiginiń resmı arnalarynda jarıalanady», – dep atap ótti ákimdik.

Pılottyq joba qashan iske qosylady?

Keıbir BAQ-ta «Aýany qorǵaý erejeleriniń» 10 naýryzdan bastap pılottyq rejımde jumys isteıtini týraly habarlanǵan bolatyn. Alaıda, Almaty qalalyq ákimdigi bul aqparattyń shyndyqqa sáıkes kelmeıtinin málimdedi.

Qala ákimdigi pılottyq jobanyń naqty merzimi áli anyqtalmaǵanyn naqtylady.

«Búgingi tańda bul baǵytta jumystar júrgizilýde, sondyqtan naqty kúndi kórsetý áli erte. Almaty qalanyń aýa sapasyn jaqsartý maqsatynda zıandy zattardyń shyǵarylýyn azaıtý aımaǵyn iske qosýǵa daıyndalýda. Bul jerde tek tómengi ekologıalyq klasty avtokólikterge tyıym salý emes, ekologıaǵa baǵyttalǵan naqty shyǵaryndylardy baqylaý júıesi týraly sóz bolyp otyr», – dep habarlady ákimdik.

Jobanyń negizgi qorytyndylary

LEZ jobasy ázirge daıyndyq kezeńinde. Naqty merzimder, shekaralar men erejeler áli belgilenbegen. Qazirgi ýaqytta tek tujyrymdama men jeke tetikter pysyqtalýda, al jobanyń negizgi parametrleri kelisý satysynda.

Qala bıligi sheshimderdiń kezeń-kezeńimen qabyldanatynyn, turǵyndar men júrgizýshilerge áseri eskeriletinin atap ótti. Barlyq kelisý rásimderi aıaqtalǵannan keıin shekaralar, avtokólik ıelerine arnalǵan sharttar jáne baqylaý tártibi týraly tolyq aqparat beriledi.