Photo: Aleksejs Bergmanis (https://www.pexels.com/@vividcafe) / Pexels
Almatydaǵy qoǵamdyq kólikterde eki tólem júıesi qatar jumys isteıdi
Almatydaǵy qoǵamdyq kólikterde jolaýshylarǵa qolaıly bolýy úshin eki túrli elektrondy tólem júıesi – Onay jáne Avtobys qatar qoldanylatyn boldy. Bul týraly Almaty qalasynyń jol qozǵalysyn uıymdastyrý jáne jolaýshylar kóligi basqarmasy habarlady.
Buǵan deıin 7 aqpanda Avtobys sıfrlyq tólem júıesiniń kezeń-kezeńimen engiziletini týraly aqparat taraǵan bolatyn. Bastapqyda bul júıe jeke baǵyttarda, keıinnen qoǵamdyq kólik jelisiniń barlyǵynda iske qosylýy tıis edi. Alaıda, bul jańalyqty Avtobýs tasymaldaýshylar qaýymdastyǵy quptamaı, Básekelestikti qorǵaý jáne damytý agenttigine shaǵym túsirgen bolatyn.
Qalalyq jolaýshylar kóligi basqarmasynyń málimetinshe, qalada eki júıe de jumys isteıtin bolady. «Jolaýshylardyń jaǵdaıyn jaqsartý maqsatynda ártúrli otandyq operatorlardyń sharttary qarastyryldy. Nátıjesinde, Almatyda ekinshi operator – Avtobys engizý týraly sheshim qabyldandy. Bul júıe qoǵamdyq kólikte jol júrý aqysyn tóleýdiń ártúrli tásilderin qarastyrady. Qazirgi ýaqytta avtobýstardy ekinshi operatordyń jabdyqtarymen kezeń-kezeńimen jaraqtandyrý jumystary bastaldy», - delingen basqarmanyń habarlamasynda.
Avtobys júıesi qala boıynsha standartty kólik kartalaryn satý núkteleriniń jelisin qurýda.
-
Astanada azamattardyń aqshasyn zańsyz tartqan 4 turǵyn úı kesheniniń qurylysy boıynsha qylmystyq ister aıaqtaldy. Keltirilgen zalal 8,2 mıllıard teńgege baǵalanyp otyr.
-
Memlekettik kirister komıteti "Salyq keshbek" pılottyq jobasyn 2026 jylǵa deıin uzartty. Bul joba arqyly azamattar satyp alǵan taýarlary úshin 2% keshbek ala alady.
