Photo: Magda Ehlers (https://www.pexels.com/@magda-ehlers-pexels) / Pexels
Almatynyń aýasy: 518 temeki shekkendeı zıandy
Almatyda aýanyń lastanýy qaýipti deńgeıge jetti: 2025 jyldyń qorytyndysy boıynsha árbir qala turǵyny 518 temeki shekkenmen birdeı zıandy aýamen tynystaǵan.
Bul týraly Infohub.kz aqparat agenttigi habarlaıdy.
Aýanyń lastanýynyń sebepteri
Jańa zertteýge sáıkes, qaladaǵy PM2.5 usaq bólshekteriniń ortasha jyldyq konsentrasıasy 31,2 mkg/m³-ge jetken. Bul kórsetkish Dúnıejúzilik densaýlyq saqtaý uıymy bekitken normadan alty ese asyp túsedi.
Sarapshylar muny qolaısyz meteorologıalyq jaǵdaılarmen baılanystyryp otyr. Sonyń saldarynan 2024 jylmen salystyrǵanda aýa sapasy birden 30%-ǵa nasharlaǵan.
Qaýipti kúnder men aýdandar
Zertteý nátıjesi kórsetkendeı, almatylyqtar jyldyń 60%-dan astam ýaqytynda halyqaralyq qaýipsizdik standarttaryna saı kelmeıtin aýamen tynystaýǵa májbúr bolǵan. Qalada aýasy taza bolǵan kúnder sany nebári 148 kún.
2025 jyldyń eń las kúni retinde 7 jeltoqsan tirkelse, aýasy eń nashar aýdan Túrksib aýdany bolyp tanyldy.
Jaz aılaryndaǵy jaǵdaı
Mamandardyń aıtýynsha, ádette aýasy taza sanalatyn jaz aılarynda da lastaný deńgeıi ruqsat etilgen shekten asyp ketkeni anyqtaldy.
-
Roza Rymbaevanyń úsh jasar nemeresi Zeıin óziniń zerektigimen áleýmettik jeli qoldanýshylaryn tańǵaldyrdy.
-
Qytaı dárigerleri Nıpah vırýsynyń qaýiptiligi men onyń saldary týraly eskertti. Bul vırýs ortalyq júıke júıesine áser etip, aýyr jaǵdaılarǵa ákelýi múmkin.
