Photo: Asad Photo Maldives (https://www.pexels.com/@asadphoto) / Pexels
Qazaq armıasynda taǵy bir sarbazdyń ólimi: Qaýipsizdik máselesi
Jambyl oblysynda áskerı boryshyn ótep júrgen sarbaz qaza tapty. Aldyn ala málimet boıynsha, jaýynger qarýmen jumys isteý kezinde ózine oq tıip mert bolǵan.
Bul týraly Infohub.kz aqparat agenttigi habarlaıdy.
Qaıǵyly oqıǵa jáne tergeý barysy
Bas prokýratýranyń málimetinshe, qaıǵyly oqıǵa 27 qańtarda bolǵan. Qazir bul derek boıynsha İİM-niń áskerı-tergeý organdary sotqa deıingi tergeýdi bastady. Arnaıy jedel-tergeý toby qurylyp, istiń barysyn Bas prokýror jeke baqylaýyna aldy.
Oqıǵanyń aldyndaǵy jaǵdaılardy anyqtaý maqsatynda Qorǵanys mınıstriniń orynbasary, Bas áskerı prokýror jáne İİM Áskerı-tergeý departamentiniń bastyǵy oqıǵa ornyna jiberildi.
Áskerı bólimderdegi qaýipsizdik
Arnaıy topqa eldegi barlyq áskerı bólimdegi tártip pen jeke quramnyń qaýipsizdik talaptaryn tekserý tapsyryldy. Jaqyn arada Bas prokýratýranyń arnaıy alqa otyrysynda áskerı qyzmetshilerdiń ómiri men densaýlyǵyn saqtaý, sondaı-aq merzimdi qyzmettiń qaýipsizdigin qamtamasyz etý máseleleri qaralady.
Buǵan deıin, 23 qańtarda Shyǵys Qazaqstan oblysynyń Jańǵyztóbe kentinde ornalasqan 47007 áskerı bóliminde qaraýylda turǵan sarbaz ózine oq atqan bolatyn.
-
Qazaqstan men Izraıl týrısik vızalardy alyp tastaýǵa kelissózder júrgizýde.
-
Soltústik Qazaqstan oblysynyń áleýmettik salasyn damytý máseleleri Aıda Balaevanyń tóraǵalyǵymen ótken keńeıtilgen jıynda talqylandy.
