InfoHub Logo

Qazaqtyń belgili aqyny Baýyrjan Halıolla men Júrsin Erman arasynda 2011 jyly bolǵan jazba aıtystyń tolyq nusqasyn áleýmettik jelide jarıalady. Bul jazbalar jelide qyzý talqylanyp, kópshiliktiń nazaryn aýdardy.

Bul týraly Infohub.kz aqparat agenttigi habarlaıdy.

Aıtystyń sebebi

Baýyrjan Halıollanyń aıtýynsha, bul aıtys Júrsin Ermannyń Muqaǵalı Maqataevtyń 80 jyldyǵyna arnalǵan múshaırada bas júldesin jeńip alǵannan keıin bastalǵan. Aqyn ustazyn quttyqtap, jeńisine oraı óleń joldaryn jazǵan.

«Maqataev, jazmysh pa, álde buıryq pa? Qutty bolsyn, qymyzyńdy quı jurtqa. Bizde erteń júremiz-aý talasyp, Júrsin Erman atyndaǵy syılyqqa», - dep jazǵan Halıolla.

Júrsin Ermannyń jaýaby

Alaıda, Júrsin Ermannyń jaýaby aqyndy tań qaldyrǵan. Ol: «Ǵumyrynda sabyndaı-aq qamshynyń, Óz bıigin bilý kerek ár shybyn. Júrsin Erman atyndaǵy syılyqty, Alqashtardyń alýyna qarsymyn», - dep jaýap bergen.

Halıolla bul jaýapty óziniń aldyńǵy aıtystaryndaǵy sózderine baılanysty dep túsingen. Ol ashýlanyp, jaýap retinde mynadaı óleń joldaryn joldaǵan:

«Men ózińnen úırenip em urttaýdy, Sodan keıin jaqpaı qoıdym jurtqa álgi. Qaıran ǵana qasıetti ómirim, Qaıdan ustaz qyldyń maǵan qyrttardy. Maǵan aıtar sońǵy sóziń boldy ma? Endi aldyńda ustamaspyn dombyra, Bir alqashtyń alyp turyp syılyǵyn, Bir alqashty tabalaýyń zor kúná...»

Aıtystyń jarıalanýy

Baýyrjan Halıolla bul hat almasýdyń ózindik tarıhy bar ekenin aıtyp ótti. Júrsin Erman sol kezde «Jas Alash» gazetine maqala jazǵanda, bul sms-terdi mádenıet saqtap, «alqash» sózin «ishkish» dep ózgertip jarıalaǵan kórinedi. Keıinnen Júrsin Erman bul sms-terdi nasıhattap júrgen.

Qazirgi ýaqytta bul jazbalar áleýmettik jelide qaıtadan paıda bolyp, jurtshylyqtyń qyzý talqysyna aınalýda.