InfoHub Logo

«Altyn qaqpa» ıntellektýaldyq oıyny
Sabaqtyń maqsaty: Oqýshylardyń qazaq tili men ádebıeti páninen alǵan bilimderin, el tarıhy, salt - dástúrlerin qanshalyqty biletindikterin tekserý.
Damytýshylyq maqsaty: Oqýshylardyń oı - órisin, til baılyǵyn damytý, shapshań oılaýǵa, oıyn jınaqtap jetkize bilýge úıretý.
Tárbıelik maqsaty: Uıymshyldyqqa, adamgershilikke, el tarıhyn, mádenıetin, salt - dástúrin umytpaı, qadirleýge tárbıeleý.
Sabaqtyń kórnekiligi: Altyn, kúmis, tas qaqpalar, suraqtar, konvertter, sandyqsha.
Pánaralyq baılanys: Qazaqstan tarıhy.
Sabaqtyń barysy:
Uıymdastyrý kezeńi. Oqýshylarǵa jalpylama suraqtar berý arqyly top jınaý. Suraqqa jaýap bergen oqýshylar oıynǵa qatysatyn bolady. Topta bes adam bolady. Toptyń suraqtary konvertke salynyp, qaqpalardyń janyna qoıylady. Ár konverttiń ishinde úsh suraqtan bolady. Úsh suraqqa tolyq jaýap berilgen jaǵdaıda, qaqpa ashylady. Úsh qaqpany da ashqan top altyn sandyqtyń suraqtaryna jaýap beredi. Altyn sandyqtyń suraǵyna jaýap bergen top jeńiske jetedi.

Jalpylama suraqtar: 1. Sózdi dybystyq jaǵynan tekseretin ǵylym qalaı atalady? (fonetıka)
2. Kók at degen tirkeste qandaı yqpal túri bar? (ilgerindi yqpal)
3. S. Seıfýllınniń týǵanyna neshe jyl toldy? (110 jyl)
4. Kóp sóziniń antonımin tap (az).
5. Respýblıka kúni qashan atap ótiledi? (25 qazan)
6. Kóksheniń sal - serileri (Aqan seri, Birjan sal, Úkili Ybyraı t. b.)
7. Kókshetaý qalasy qaı jyly quryldy? (1824 jyly)
8. Bir - birine maǵynalary jýyq sózder qalaı atalady? (sınonım)
9. Jyr alyby atanǵan aqyn (Jambyl)
10. Sh. Ýálıhanov qaı jyly týdy? (1835 jyly)
11. Eki etiske ortaq jurnaq (- yn, - in, - n)
12. Qobylandynyń tulpary (Taıbýryl)
13. Qazaq lıseıi qaı kóshede ornalasqan? (Menjınskıı)
14. Qara óleń uıqasy (aaba)
15. Konstıtýsıa qaı jyly, qaı kúni qabyldandy? (1995 jyly, 30 qyrkúıek)

Tas qaqpanyń suraqtary:
1. Qaıyńnan sózine fonetıkalyq taldaý jasa.
2. «Ata - anańa ne isteseń, aldyńa sol keledi» degen sóılemdegi etistikterge morfologıalyq taldaý jasa.
3. Berilgen sóz tirkesterin túrine qaraı ajyratyp jaz. Kitapqa úńilý, aǵashty óńdeý, eshteńe aıtpaý, sabaq daıyndaý, toı dastarqany, tańerteńgi shaı, aq jastyq, Aqylbaıdyń dápteri, asyqpaı sóıleý, únsiz otyrý, jibek belbeý, ornynan turý. Qabysý Matasý Meńgerý Janasý
4. Jaı sóılem degenimiz ne? Olardyń túrlerin ata, mysal keltir.
5. Berilgen sóılemderdi sóılem múshelerine talda, sóz taptaryn kórset. Qyran túlegine qaıyspas qanat syılaıdy, Ustaz shákirtine talmaıtyn talap syılaıdy.
6. Aıqyndaýysh múshe degenimiz ne? Onyń qandaı túrleri bar?
7. Adamnyń kúlkisine elikteıtin sózderdi ata.
8. Sózderdiń baılanysý tásilderi nesheý?
9 Betinen oty shyǵý degen sóz qalaı atalady? Qandaı maǵynany bildiredi?