InfoHub Logo

Ámire — Altaıda týyp, keıinirek Erenqabyrǵaǵa kóship kelip mekendegen. Kúıshi, qolónershilikpen jan baǵyp, etikshi, aǵashshy, temirshi bolǵan. Jas ortasynda áıeli qaıtys bolyp, jalǵyz ulynan basqasyn aýrý jalmap ketedi. Bul soqqy oǵan qatty batady. ýaıym-qaıǵy bulty basynan aınalyp shyqpaıdy. Jalǵyz uly azamat bolyp qalsa da, aıaǵyn qol qysqalyqtan shyrmaı almaıdy. Óstip júrgende sol jalǵyzy da ólip, qý basy ǵana qalady. Jalǵyzynyń qyzyǵyn kóre almaı, odan aıyrylyp qalǵanyna qatty nazalanyp, esinen tana jazdaıdy. Halyq jıylyp, qabir basynan qaıta oralǵannan keıin, el ishindegi tildi, jaqty adamdar Ámireniń kóńilin aýlap jaqsy sózderin aıtyp ony jubatady.

Osy kezde dombyrashy Ámire, ashada ilýli dombyrasyn qolyna alyp, bir muńly kúıdi:

Oı, jalǵan, jalǵan aı!
Jalǵannan kóńil qalǵan aı!
Jalbarynyp ótken Allamnyń,
Jalǵyzymdy da alǵany-aı!
Kókiregime sher bop baılandy,
Taýsylmaıtyn myna arman-aı!
—
dep kúńirentip sherte jónelgen eken. Sodan bastap qalǵan ómiriniń ár kúni namazyn Ótegennen keıin qolyna dombyrasyn alyp, balasynyń ólimine arnaǵan osy «Arman» kúıin shertip ótkizgen eken.

---