InfoHub Logo

Sabaqtyń taqyryby: Án men kúıdi ne jaqyndatady?
Maqsaty:
- án, bı, kúı janrlary boıynsha alǵan bilimderin qaıtalaý, tıanaqtaý.
- mýzyka óneriniń damýynyń túp negizi – halyq mýzykasyna qurmetpen qaraýǵa, ulttyq ónerden estetıkalyq áser ala bilýge tárbıeleý.
- balalardyń erkin sóıleý, óz betinshe jumys isteý, este saqtaý qabiletimen qosa, shyǵarmashylyq oı - órisin damytý
Sabaqtyń tıpi: qaıtalaý sabaq
Ádisi: jarys, oıyn.
Kórnekiligi: ulttyq oıýlar, qaǵaz teńgeler, sýretter,
Qural – jabdyǵy: ıamaha, ınteraktıvti taqta, SD dısk,
Sabaqtyń barysy:
1. Uıymdastyrý kezeńi: Mýzykalyq sálemdesý. Daýys jattyǵýyn jasaý. Muǵalimniń kirispe sózi:
Sabaqtyń ereksheligine nazar aýdarý, maqsatymen tanystyrý.
2. Maqsat qoıý:
Ánshi, bıshi, kúıshiler týraly alǵan bilimderin qaıtalaý, este saqtaý, tıanaqtaý.
3. Bilim tekserý:
- Balalar, myna adamdardy ónerdiń qaı salasynan kóremiz? /taqtada: Kúlásh, Shara, Qurmanǵazy /

Synypty úsh topqa bólý: 1. Ánshiler 2. Bıshiler. 3. Kúıshiler.
- Balalar, biz búgin qazaq halqynyń ulttyq oıyny «Teńge alý» oıynyn oınaımyz. Oıyn týraly maǵlumat berý. (Oıynshylar qos tartpaly myqty erttelgen atqa minip 30 - 40 metrdeı jerden shaýyp bara jatyp, aq kıizdiń ústinde jatqan tıyndy nemese aq shúberekke túıilgen zatty eńkeıe berip, ilip alyp ketýleri kerek. Aqshany at ústinen alǵan adam ıelenip ketedi. Qazir shúberekke túıilgen tıyn, ne sondaı kishirek zatty at ústinen eńkeıip kóterip áketken adam jeńimpaz atanyp, júlde alady). Taqtada teńge alý oıynynyń sýreti.

Bul oıyn jyldamdyq pen alǵyrlyqty talap etetin oıyn. Sharty:
Teńgeler – 5tg; 10tg; 20tg; Teńgeniń quny ósken saıyn suraqtar da kúrdelene túsedi. Durys jaýap bergeni teńgeni alady. Ár topqa eki 5tg, eki 10tg, eki 20tg.
İ bólim: 5tg suraqtar:
1. Qurmanǵazynyń kúıi
2. Qobyz aspabynda oınaǵan kúıshini ata
3. Qazaqtyń bulbuly atanǵan qyz
4. Qurmanǵazynyń shákirti.
5. Qorqyttyń kúıi.
6. Dáýletkereı men Qurmanǵazynyń esimderi kezdesetin án
Endeshe İ bólimniń qorytyndysy retinde osy «Dombyrasyz sán qaıda?» ánin bizge ánshiler toby oryndap bersin.

İİ bólim: 10 tg suraqtar:
1. Dombyra aspabynyń qurylymy.
2. Qobyz aspabynyń qurylymy.
3. «Saryarqa» kúıi qandaı taqyrypqa jazylǵan?
4. Kúlásh pen Shara Qaı jerde týylǵan?
5. «Jez kıik» kimniń kúıi?
6. Salystyr: «Qosalqa» men «Saryarqa» kúıleriniń qaısysyna bıleýge bolady?
SERGİTÝ: Bıshiler tobymen birge barlyǵymyz bı qımyldaryn jasaıyq. Ol úshin «Qoshqar múıiz», «Tumarsha», «Qustumsyq» oıýlaryn paıdalanamyz:

İİİ bólim: 20tg suraqtar
1. «Aqsaq qulan» kúıi týraly ne bilesiń?
2. «Dombyrasyz sán qaıda?» ániniń kóńi - kúıi qandaı?
3. Tembr degen ne?
4. Halyq kúıi degen ne?
5. Regıstr degen ne?
6. Tyńdaǵan mýzykanyń atyn tap: («Saryarqa»)
Top basshylar baǵalaý kestelerinde jaýap berip otyrǵan óz tobynyń balalaryn belgilep otyrady. Jaýap berý esebi shyǵarylǵannan keıin jınaǵan teńgelerin eseptep oqýshylar baǵalanady. Teńgeni kóp jınaǵan toptyń upaıy jarıalanady.
Endeshe esepshilerge arnap «Esep sabaǵy» degen ándi hormen oryndap bereıik.

Qorytyndy:
- Balalar, búgingi sabaqta sender neni eske túsirdińder?
- Qandaı ataqty adamdardy este saqtaý kerek?
- Senderge mýzyka sabaǵy unady ma?
- Qandaı ulttyq ónerlerdi mýzykamen baılanystyrdyq?
Baǵalaý.
Úıge tapsyrma: 1. «Saryarqa» kúıine ılústrasıa jasaý.
2. Qobyz aspabyna arnap bir shýmaq óleń jazyp kelý.
3. Ótkendi qaıtalaý.