InfoHub Logo

Taqyryby: Ana - baqyt, ana - jyr, ana - ómir, ana - gúl.
Maqsaty: Ata - analardyń mekteppen baılanysyn arttyrý. Oqýshylarǵa ata - anany ardaqtaı bilýge tárbıeleý. Balanyń jan - jaqty óz eliniń, halqynyń qamyn oılaıtyn, ata - anasyn syılaı biletin azamat tárbıeleýmen qatar ulttyq tárbıeni nasıhattaý
Kórnekiligi: ınteraktıvti taqta, túrli formadaǵy qıma qaǵazdar, «ómir» aǵashy, júrekshe.

Júrisi:
1. Uıymdastyrý
Sálemetsizder me, qurmetti ustazdar, aıaýly ata - analar, qazaq eliniń jarqyn bolashaqtary! Búgingi tárbıe saǵatymyzdy bastamas buryn, sizdermen tanysyp alý maqsatynda aldymen sheńber oıynyn oınaıyq. Ol úshin bárimiz ortaǵa shyǵyp, sheńber quraıyq.
Shattyq sheńber
Men senderdi kórgenime qýanyshtymyn!
Qýanamyn men de,
Qýanamyn men de,
Qýanasyń sen de.
Qýanaıyq dostarym
Araılap atqan kúnge.
- Balalar, biz neg shattyq sheńberin quryp bastadyq?
Sheńber – bul álemdegi eń jaqsylyqtyń nyshany. Endeshe bir - birimizge qarap, myna suraqtarǵa jaýap berip kóreıikshi:

2. Psıhologıalyq sát
- Árbir sabaq? - Úırený, uǵý, ulaǵat!
- Árbir isiń? - Tirlik, tirek, adamdyq!
- Árbir adam? - Týysym, dosym, juraǵat!
- Árbir sóziń? - Shyndyq, birlik, adaldyq!

3. Topqa bóliný ( tórt túlik maldy tańdaı otyryp, topqa bólinedi.)
1 - top: Botaqandar
2 - top: Qoshaqandar
3 - top: Qulynshaqtar
- Balalar bizdiń toptyń bulaısha atalý sebebi nede dep oılaısyńdar?

4. Psıhologıalyq sát: Júrekten - júrekke « Maǵan eń qymbat jan»
(ata - analarynyń erkeletetin sózderin atap shyǵady )
Ananyń árbir sózi jylylyqqa toly. Ananyń kún nury tastaı muzdy da jibitedi. Oloı bolsa, búgingi tárbıe saǵatymyz «Ana - baqyt, ana - jyr, ana - ómir, ana - gúl» dep atalady.
- Ana degenimiz kim?
- Ár adamnyń óz anasyna degen mahabbaty sheksiz! Ana, ana, ana! degende tolqymaıtyn júrek, tolǵanbaıtyn jan joq! Ana - árbir adam balasy úshin eń ystyq, janǵa jaqyn, maǵynaly da qasterli sóz. Adamnyń aýzynan shyǵatyn eń alǵashqy sózi de - ana. Adamzat balasy eń alǵash dúnıe esigin ashqanda ananyń aq sútimen boıyna nár alady, ana qushaǵyna enip, ana meıirimine bólenedi. Qanshama baılyq ıesi bolsań da, álemge áıgili adam bolsań da, anańdy, onyń saǵan jasaǵan jaqsylyǵyn umytpaý - seniń ómir boıyńdaǵy boryshyń. Qaı adam qolynan kelgen syı - qurmetin jasamady deseńizshi, shirkin! Biraq sonyń bári ananyń bir aýyz jyly sózine de jetpeıdi. Dúnıeniń nury, ómirdiń gúli, qyzyqtyń qyzyǵy - ananyń qolynda. Ana bir qolymen besik terbetse, ekinshi qolymen álemdi terbetedi. Kez - kelgen adamnyń ádeptigi men jan dúnıesiniń sulýlyǵy, eń aldymen balaǵa aq sútin berip, álpeshtep ósirgen Ana júreginiń jylýynan bastalady. Bala boıyndaǵy eń jaqsy qasıetter bizge aldymen anadan taraıdy. Ananyń názik úni, jumsaq aıaly alaqany, jan - jylýymen aıalaýy bizdi áldılep jubatady. Ana bolý - búkil ómirine ketetin uly rýhanı kúsh pen eren eńbek. Dúnıede ne jaqsylyq bolsa, sonyń bári ananyń aq súti men kúnniń nurynan jaralǵan. Anaǵa qanshama aqyndar jyr arnaǵan. Qanshama jazýshylar shyǵarma jazǵan. Ana - máńgilik taqyryp.

Anam meniń – kóktegi kúnmenen teń,
Anam meniń – jaýqazyndaı gúlmen teń,
Álpeshtegen asyl anam bolmasa,
Bul ómirdiń qadirin de bilmes em.
Júzińnen bir shattyq kórem anashym,
Men úshin qýanasyń, nurlanasyń.
Osy ómirge jetkizgen óziń úshin,
Sen maǵan jyr anasyń, nur anasyń, - degendeı, ana degen uly esimge án men jyryn arnamaǵan pende joq shyǵar sirá? Olaı bolsa, anaǵa arnalǵan óleń joldaryna kezek bereıik. Bizdiń balalarymyz analaryn qalaısha jyrlar eken....

5. Óleń joldarynan:

Ana degen - báıteregi ómirdiń,
Ana degen - qýanyshy ómirdiń.
Ana degen - ár úıdiń jylýy,
Ana degen - gúli týǵan ómirdiń.

Biz sizdersiz tirshilik ete almaımyz,
Biz sizdersiz ómirde júre almaımyz,
Eger bizdiń qasymyzda bolmasańyz,
Bul ómirde eshqashan júre almaımyz.

Sizder – kúnsiz, aspanda jarqyraǵan,
Sizder - ózen, taý sýy sarqyraǵan,
Sizder - ana, sizder - jar, sizder - qyzdar,
Sizder - jańbyr, aq nóser sarqyraǵan.

Ómirde ana bulaq, ana pana
Ómirdi órkendeter ana ǵana.
Ósirgen talaı kósem, talaı sheshen,
Talaı er, talaı aqyn, talaı dana,
Ana! Ol bizdiń elde ardaqty adam.

6. Postermen jumys
1 - top: «Emen aǵashy»
2 - top: «Aı men juldyz»
3 - top:«Tabıǵat»
(Beınelengen sýretke jetispeı turǵan bólikterin jetistirip, sýret boıynsha áńgimelep shyǵady. )

7. Sergitý sáti: « Meniń júregime rahmet!»
(Júreksheni alyp « Tilek aǵashyna» ornalastyrady.)
- Meniń júregimniń qaıyrymdylyǵyna rahmet!
- Meniń júregimniń meıirimdiligine rahmet!
- Meniń júregimniń jylylyǵyna rahmet!
- Meniń júregimniń adamdardy jaqsy kóretinine rahmet!
- Meniń júregimniń jaqsy kórý sezimine rahmet!
- Meniń júregimniń janashyrlyǵyna rahmet!
- Meniń júregimniń keń peıildiligine rahmet!
- Meniń júregimniń adaldyǵyna rahmet!
- Meniń júregimniń sezimtaldyǵyna rahmet!
- Meniń júregimniń qamqorlyǵyna rahmet!
- Meniń júregimniń kishipeıildiligine rahmet!
- Meniń júregimniń tazalyǵyna rahmet!
- Meniń júregimniń izettiligine rahmet!
- Meniń júregimniń móldirligine rahmet!

- Júregimizdiń osyndaı jaqsy qasıetterine ıe bolý kimniń arqasy?
- Ana!
8. Oı - qozǵaý: «Meniń anam qandaı?»
Taqtadaǵy sýretterdiń maǵynasyn ashý: kún, kitap, jer – ana.
9. Ana týraly syr: Sýretterdi kóre otyryp, at qoıý, Oılaryn jınaqtap, suraqtarǵa jaýap berý:
- Men anamdy qalaı qýanta alamyn?
- Anam men úshin kim?
- Ananyń aq sútin qalaı óteı alamyn?

Qorytyndy:
Kúnniń nury, shýaǵy barlyǵy ananyń júreginen nár alǵan sıaqty. Qaı qaısymyz bolmasyn, qaıda júrsek te júregimiz ananyń aıaýly alaqanyn ańsap turady. Sondyqtan bárimizde ananyń aldynda qaryzdarmyz, ananyń mahabbatyna aldynda bas ıemiz.
Osymen synap tárbıe saǵatymyz aıaqtaldy. Shyn nıetimizben alǵyz aıtamyz.

EKİ juldyz, bir tilek
Keri baılanys:
1. Bul sabaq ne týraly boldy?
2. Bul sabaq unady ma?
3. Sabaqtyń qandaı bóligi unady?
4. Sabaqtyń qandaı bóligi unamady?

Mańǵystaý oblysy, Qaraqıa aýdany,
Jetibaı selosy, №3 orta mektebiniń
bastaýysh synyp muǵalimi: Ýtepova Aıgýl Talasbaevna