InfoHub Logo

2025 jyldyń 24 qarashasy Aqtaý qalasynyń tarıhynda erekshe kún retinde qattaldy. Kaspıı jaǵalaýyndaǵy salqyn samalmen birge óńir turǵyndary úshin jyly úmit oıandy. Sebebi dál búgin Mańǵystaý oblysynda halyqaralyq standartqa saı Asiakoz International Hospital óz jumysyn bastady.

Bul jaı ǵana kezekti klınıkanyń ashylýy emes. Bul – shetel asyp em izdegen talaı jannyń ýaqyty men qarjysyn únemdeıtin, álemdik ozyq tehnologıany úıińizdiń irgesine ákelgen strategıalyq mańyzdy joba.

Halyqaralyq tájirıbe men otandyq biliktilik toǵysy

Jınalǵan qaýymnyń qarasy qalyń. Olardyń arasynda qarapaıym turǵyndar da, medısına janashyrlary da bar. Saltanatty shara tizginin belgili telejýrnalıst Ánýarbek Bımaǵambet ustady. Onyń «Bul ortalyq – óńirdiń jańa tynysy» degen bir aýyz sózi jınalǵandardyń kókeıindegi oıdy dóp basty.

Shara barysynda kórsetilgen tórt mınýttyq beınerolık kópshilikti beı-jaı qaldyrmady. Ekrannan 4 jylǵa sozylǵan qajyrly eńbektiń jemisin, qarańǵylyqtan jaryqqa shyqqan pasıentterdiń shynaıy emosıasyn kórdik. Asiakoz komandasy shaǵyn ujymnan bastap, halyqaralyq deńgeıdegi iri seriktestikke deıingi kúrdeli joldy júrip ótken.

Klınıkanyń bas dırektory Erjanar Ásheıhannyń aıtýynsha, jobanyń negizgi mısıasy – ǵımarat salý emes, sapaly qyzmettiń jańa ekojúıesin qalyptastyrý.

"Biz Aqtaýǵa sapaly medısınanyń jańa deńgeıin ákeldik. Bul – úlken ıdeıanyń naqty iske asýy," – dedi Erjanar Ásheıhan.

Túrkıa men Qazaqstan: Senim kópiri

Klınıkanyń negizin qalaýshy ári ıdeıa avtory Sátjan Toqtarbaı sahnaǵa shyqqanda, zalda erekshe tynyshtyq ornady. Ol óz sózinde bul jobanyń eki el arasyndaǵy dostyq pen senimniń kórinisi ekenin atap ótti.

Sátjan myrzanyń aldymen qazaq, keıin túrik tilinde sóılegen sózi dıplomatıalyq salmaq pen adamı shynaıylyqty qatar alyp júrdi.

• Maqsat: Tek emdeý emes, medısınalyq mádenıetti ózgertý.

• Nátıje: Jergilikti dárigerlerdiń sheteldik áriptestermen tájirıbe almasýyna jol ashý.

Sharaǵa arnaıy kelgen oblys jáne qala ákimdiginiń ókilderi de bul bastamanyń óńir úshin strategıalyq mańyzy zor ekenin rastady.

«Kórýimdi emes, ómirimdi qaıtardy»

Resmı sózderden góri, shynaıy nátıje áldeqaıda áserli. Sahnaǵa klınıkada em alǵan pasıent kóterilgende, emosıonaldy sát týdy. Onyń «Bul klınıka meniń kórýimdi emes, ómirimdi qaıtardy» degen bir ǵana sóılemi zamanaýı oftalmologıanyń qudiretin dáleldep turǵandaı edi.

Saltanatty kesh "Caspina Riverada" meıramhanasynda jalǵaspas buryn, qazaqy dástúrmen aq bata berilip, lenta qıyldy. Jandarbek pen Syrymnyń áýezdi arnaýy sharanyń sánin keltirip, ulttyq kolorıt syılady.

Mańǵystaý medısınasynyń bolashaǵy

Asiakoz International Hospital ashylýy – Batys Qazaqstan óńiri úshin úlken jańalyq. Endi kúrdeli kóz operasıalary men dıagnostıka úshin alysqa sabylýdyń qajeti joq.

Bul ortalyq – zamanaýı qurylǵylarmen jabdyqtalǵan, bilikti mamandary bar jáne eń bastysy, adam taǵdyryna beı-jaı qaramaıtyn kásibı mekeme. Eger siz nemese jaqyndaryńyz kóz aýrýlarynan zardap shegip júrse, álemdik deńgeıdegi emdi óz elimizde alý múmkindigin jiberip almańyz.

Kózińizdiń nuryn saqtańyz – Asiakoz mamandaryna búgin jazylyńyz!