InfoHub Logo

Júrgizýshi:
Armysyzdar, qurmetti qonaqtar!
Armysyzdar ájelerim, analarym!
Meıirban appaq kóńil danalarym
Gúl kóktemniń alǵashqy meıramymen
Quttyqtaıdy sizderdi balalaryń!
Mine kóktemniń gúlimen, jupar lebimen, anamyzdaı aımalap, kóktem merekesi de keldi. Kóktemniń alǵashqy kúnderimen birge analarymyzdyń da merekesi keldi.
Ortaǵa qyz bala keledi (kóńilsiz):
- Sálem bárińe, sender kimsińder?
Balalar:
- Biz «Ertóstik» tobynyń balalarymyz.
Qyz:
- Sender baqyttyń qaıda ekenin bilmeısińder me?
Ortaǵa Alıbaba shyǵady:
- Sálem berdik, bárińe. Men Alıbabamyn. Baqytty nesine izdep júrsiń? Kel, bizge qosyl, bizben birge urlyq jasaısyń, tonaısyń, altyndaryń kóp bolady. Aqshań kóp bolsa baqytty bolasyń. Toıyp alyp bıleısiń, mine saǵan baqyt.
Júrgizýshi:
- Balalar, Alıbabanyń aıtyp turǵany durys pa?
Balalar:
- Durys emes.
Júrgizýshi:
- Alıbaba, sen bizben birge bol, sonda baqyttyń ne ekenin túsinesiń.
Alıbaba:
- Jaraıdy, múmkin baqyt án aıtýda shyǵar. Qane, balalar, birge án aıtyp kóreıikshi.
Án «Ana tilim»
Alıbaba:
- Jaraısyńdar, balalar. Keremet án eken. Biraq án aıtqanda baqytty kóre almadym (kóńili túsip ketedi). A, a, a, taptym, múmkin bı bılesek, baqytty kóre alarmyn.
Bı «Bananamama»
- Kóńildi bı eken. Senderge unady ma? Maǵan da unady. Biraq baqytty taǵy kóre almadym.
Júrgizýshi:
- Endeshe, Alıbaba sen bizdiń toptyń balalarynyń ertegi qoıylymyn tamashalap kór. Múmkin kóńilin kóterilip qalar.
«Qyzyl telpek pen qasqyr» ertegisi
Alıbaba:
- Jaraısyńdar! Men myna qoıylymdy kórip otyryp, sendermen oıyn oınaǵym kelip ketti.

Oıyn «Birdeı gúlderdi tap»
Sharty: Alıbaba kórsetken gúlderdiń túsine sáıkes birdeı gúlderdi tabý kerek.
Bı «Ózbek bıi»
Alıbaba:
- Keremet bı eken. Bul toptyń balalary shetinen ónerli eken.
Qyzdyń anasy ortaǵa shyǵady:
- Qyzym, men seni izdemegen jerim joq, qaıda júrsiń botaqanym, qoshaqanym, qulynym, - dep qyzyn qushaqtaıdy.
Qyzy:
- Men baqytty barlyq jerden izdedim, taba almadym, sizdi kórip qatty qýandym. Anashym, sensiń ǵoı meniń baqytym.
Alıbaba:
- Balalar, men túsindim, baqyt degen ol bizdiń anamyz eken ǵoı. Biz tek anamyzdyń qasynda baqyttymyz. Qoı, men anama baraıyn, anashymdy qýantyp, saǵynyshyn basaıyn. Men anamdy jaqsy kóremin, al sender analaryńdy jaqsy kóresińder me?
Balalar:
- Biz anamyzdy jaqsy kóremiz.
Alıbaba:
- Men anashym qýantýǵa, merekesine quttyqtaýǵa kettim. Saý bolyńdar, balalar. Rahmet senderge.

Júrgizýshi:
Desek te ýaqytpen jaryspaıdy,
Qıaǵa qıalmenen qaryshtaıdy.
Balǵyndar shyn júrekten tebirentip,
Analarǵa ánderin baǵyshtaıdy.
Án «Anaǵa syılaımyz»

Talshyn:
Ana sen baqyttysyń, baqyttysyń,
Menmin ǵoı baqshańdaǵy baqyt qusyń.
Qazirge bóbekte de, ósire ber,
Aq sútińdi aqtaımyn ýaqyt týsyn.
Ana degen – báıteregi ómirdiń,
Ana degen – qýanyshy kóńildiń.
Ana degen – árbir úıdiń jylýy,
Ana degen – gúli tunǵan ómirdiń.