InfoHub Logo

Ana – otbasynyń uıytqysy

Maqsaty: árbir jeke tulǵany óz ortasynda, ózge ortada erkin sezine alýǵa úıretý, aınalsyndaǵylarmen qarym - qatynas ornatýǵa jańa múmkindikter tabý.
Qatysýshylardyń óz oıyn ashyq jetkizýdi, bir - biriniń pikirin qurmetteý, sezimine beıimdeý.
Jeke tulǵanyń rýhanı ósýine tárbıelik - pedagogıkalyq jaǵdaı jasaı otyryp, ómirdiń qundylyǵyn uǵynýǵa tárbıeleý.
Muǵalim – ata - ana – oqýshy arasyndaǵy qarym - qatynasty nyǵaıtý.

Dúnıede ananyń meıirimine, aıaly alaqanyna ne jetedi? Jaqsylyq ataýlynyń barlyǵy da ananyń aq sútinen jaratylǵan.
Halqymyz «ana – barsha tilektiń bastaýy, kórkemdik pen jylylyq kózi, shýaq pen meıirim álemi, ómirdiń sáni» dep qasıet tutyp otbasynyń altyn dińgegi sanaǵan. Otbasynyń tárbıesi, mádenıeti, jetistigi men dástúri ananyń óresine, bilimi men qadir - qasıetine tikeleı baılanysty.
Muhtar Áýezovtiń «El bolamyn deseń besigińdi túze» degen pikiriniń astarynda úlken mán jatyr.
Anany Paıǵambar da qatty qurmettegen. «Jumaq ananyń tabanynyń astynda»,- dedi ol.
Bir kúni Paıǵambarǵa áldekim kelip. «Shyn aıtyńyzshy, men jaqsylyqty áýeli kimge jasaýym kerek»,- dep surapty. «Óz anańa»,- dep jaýap beripti Paıǵambar.
- Taǵy da kimge? - deıdi álgi adam.
- Anańa,- dep qaıtalapty Paıǵambar.
- Sonań soń kimge? - deıdi suraýshy.
- Óz ákeńe,- degen eken Paıǵambar.

Trenıńke kelgen analardy erejemen tanystyramyn.
1. Óz oıyn ashyq aıtý.
2. Ózgeniń pikirin qurmetteý
3. Shynaıylyq kórsetý
4. Belsendi áreket etý
5. Óz sezimin basqara bilý
6. Ýaqytpen sanasý

Analardy ortaǵa sheńber jasap turǵyzý.
Jattyǵý túrlerimen tanystyrý
1. Shattyq sheńberi
2. Jyljymaly oryndyq
3. Kel shyrqaıyq
4. Kezdeısoq jaǵdaıdan shyǵý
5. Toptyq jumys
6. Maqaldy jalǵastyr...
7. Túıin sóz
8. Órmekshiniń tory

Analardy ortaǵa sheńber jasap turǵyzý.
1 - jattyǵý, «Shattyq sheńberine shaqyrý» Analar óz esimderin tanystyra otyryp, esimderiniń bas árpinen bastalatyn tilek sóz aıtady.
2 - jattyǵý, «Jyljymaly oryndyq» Qıma qaǵazdardy alyp, men myna óleń joldaryn oqyǵanda oryndyqqa kelip otyrasyzdar.
Ana – deımiz bárimizde ańqyldap,
Ana – deıdi jas sábı de jarqyldap.
Ana – degen báıteregi ómirdiń,
Ana – degen altyn qazyq, altyn baq.
3 - jattyǵý «Kel shyrqaıyq» Myna qıma qaǵazdarda óleńniń taqyryby jáne shýmaqtyń birinshi qatary jazylǵan. Óleńdi áýenine salyp aıtyp, kelesi shýmaqty kelesi ana jalǵastyryp alyp ketedi.
4 - jattyǵý «Kezdeısoq jaǵdaıdan shyǵý»
1. Siz tárbıeli otbasy ıesisiz. Biraq balańyzdyń jat áreketterge boı aldyryp bara jatqanyn baıqadyńyz. Balańyzdy qalaı qorǵap alasyz?
2. Bıyl sizdiń balańyzdyń synybynda oqıtyndardyń bárinde «uıaly telefon» bar, tek sizdiń balańyzda joq. Úıde alyp ber dep mazańyzdy alady. Sabaqqa barǵysy kelmeıdi siz ne isteısiz?
3. Sizdiń tuńǵyshyńyzdy atasy men ájesi baýyryna basqan. Sabaǵy qıyndap ketken soń «ózderiń qadaǵalańdar» dep ákelip beredi. Al balańyz tárbıege esh kóner emes, ne isteımiz?
4. balańyz dıktant dápterin úıge ákeldi. jazba jumysynan «4» degen baǵa alǵan. Qatesin siz de, balańyz da kórip tursyzdar, al pán muǵalimi ony jóndemegen. Siz balańyzǵa nelikten jóndemegenin balaǵa qalaı túsindiresiz?
5 - jattyǵý «Toptyq jumys» Analar birigip berilgen suraqtarǵa jaýap beredi. 1. Bala degenimiz kim?
2. Bala jaqsy ómir súrý úshin, qandaı jaqsy qasıetter kerek?
3. Balany madaqtaý degenimiz ne?
6 - jattyǵý «Maqaldy jalǵastyr...» Oqýshylardyń qatysýymen taqtadan maqaldardy jalǵastyrý.
7 - jattyǵý «Túıin sóz» BAQYT, BALA, BAZAR, BESİK. Osy sózderdi qatystyra otyryp, óz oılaryńyzdy bir aýyz sózben qorytyndylańyzdar.
Jattyǵýymyzdyń arasynda óleń joldary tyńdalady.
8 - jattyǵý «Órmekshiniń tory» Ortaǵa shyǵyp sheber quramyz. Men bireýge oralǵan jipti laqtyramyn. Onyń atyn aıtamyn jáne onyń maǵan unaıtyn minezin, jaqsy qasıetin aıta otyryp tilek tileımin. Kelesi adamǵa jalǵasady. Jip sońynda ózime kelýi tıis.
- Qarańyzdarshy, bizdi baılanystyrǵan jip, ádette, ol bizge kórinbeıdi. Biraq ómirde bar, osy jerde turǵan barlyq analardy jyly, meıirimdi sózder baılanystyryp tura bersin,- dep búgingi trenıńimizdi aıaqtaımyz.