InfoHub Logo

Tárbıe saǵattyń taqyryby: Ana tilim - asyl muram
Tárbıe saǵattyń maqsaty: Ana tilimizdiń qadyr - qasıetin uǵyndyrý, týǵan tilimizdiń tuǵyrynyń myqty bolýyna negiz qalaǵan babalarymyzdyń
aıtqandaryn úıretý, tilimizdiń mártebesin kóterý, oqýshylardyń tez oılanyp jaýaptaryn júıeli aıta bilýge, erkin sóıleýge baýlý.
Kórnekiligi: naqyl sózder, slaıd.

Júrisi: 1. Uıymdastyrý.
Memlekettik ánuran oryndalady.
Muǵalim: Qurmetti oqytýshylar men oqýshylar, til merekesi qutty bolsyn!
«Jasaı ber, ana tilim - qazaq tili» atty tárbıe saǵatymyzǵa qosh keldińizder.
Súıemin týǵan tilim - ana tilin,
Besikte jatqanymda - aq bergen bilim.
Shyr etip jerge túsken mınýtymnan,
Qulaǵyma sińirgen tanys únim,- deı kele tárbıe saǵatymyzdy ashyq dep jarıalaımyn. Búgingi sharamyz saıys túrinde ótpek.
Tilim meniń uly Abaıdaı,
Muhtardaı meniń pirim.
Tunyǵym, rýhanı jan azyǵym,
Ol búlinse meniń de búlingenim,- demekshi eki top til týraly óleńderin aıtyp, saıysqa túsedi.
Eldar:
Ósirgen oı - bilimdi,
Súıem týǵan tilimdi.
Maqsat etem ár sózdiń,
Mánin tereń bilýdi.
Ásem:
Ana tiliń aryń bul,
Uıatyń bop tur bette.
Ózge tildiń bárin bil,
Óz tilińdi qurmette.
Marzıe:
Ana tili qazaǵymnyń qaımaǵy,
Tiliń seniń ómirińniń aıǵaǵy.
O, adamdar, qadirine jetińder,
Ana tiliń - anań, syılap ótińder.
Aqbota:
Tilimizdiń bulaǵy,
Tirliktiń el júregi.
Ana tilin súıemin,
Otan úshin kúıemin.
Bekberdi:
Ana tilim - uranym,
Ana tilim - quralym.
Ana tilim bolmasa,
Bolmas edi jyr, ánim.
Janat:
Týǵan tilim - babam tili óz tilim,
Týǵan tilim - anam tili - óz tilim.
Týǵan tilim - adam tili - óz tilim,
Týǵan tilim - dalam tili - óz tilim.
Ádemi:
Ana tilim - aq qanatty tulparym,
Bıikterge samǵap ushar suńqarym.
Ana tilim - mahabbatym, qushtarym,
Ana tilim - ánge qosar ardaǵym.