InfoHub Logo

Taqyryp: Ana tilim - asyl oıdyń bulaǵy

(Sahnaǵa Ahmet Baıtursynov baıaý mýzykamen shyǵyp, óleń oqıdy)
Bul sózdi bireý almas, bireý alar,
Qulaǵyn bireý salmas, bireý salar.
Tep - tegis kópke unaý ońaı emes,
Keıine jaramasa, keıine jarar.
Qaısysy yqylasyn salyp tyńdap,
Jaratpaı qaısybiri teris qarar.
Dúnıede súıgenim bar, kúıgenim bar,
Solardan az da bolsa belgi qalar.

1 - júrgizýshi:
Qaıyrly kún, Ahmetteı ult ustazynyń jolyn jalǵastyrýshy izgi jandar!
Bul mereke - Til merekesi!
Bul mereke - El merekesi!

2 - júrgizýshi:
Búgingi tutas býynnyń tól basy, keshegi Abaı, Ybyraı, Shoqan ulylarymyz salǵan aǵartýshylyq, demokrattyq baǵytty ilgeri jalǵastyrýshy iri ǵalym, pedagog, qoǵam qaıratkeri Ahmet Baıtursynovtyń dúnıege kelgenine 146 jyl. Osyǵan oraı, Qazaqstan halyqtarynyń Tilder merekesi 5 - qyrkúıek bolyp jarıalandy.

1 - júrgizýshi:
Til mártebesin ult múddesinde bıik qoıǵan, Ahmet ardaqtaǵan ana tilimizge arnalǵan « Ana tilim - asyl oıdyń bulaǵy» atty ádeı - sazdy keshimizge QOSH KELDİŃİZDER!

2 - júrgizýshi:
Uıyqtasam, ana tilde kúbirledim,
Oıansam, sóılep kettim, kidirmedim.
Anamnyń aq sútimen sińgen tilim,
Bitpeıdi meniń odan buryn demim.

1 - júrgizýshi:
Máńgi ólmes meıli zaýlap kósher zaman,
Jırenshedeı darıa sheshen babam.
Qazybek. Tóle, Áıteke erdiń qunyn,
Eki aýyz sózben sheshken kósem babam

1 - júrgizýshi:
«XX ǵasyrǵa sheıin túriktiń tilin azdyrmaı asyl qalpynda alyp kelgen, til týrasyndaǵy abyroı men alǵys qazaqqa tıisti» dep, halqymyzdyń sanasyn jańǵyrtyp, mereıin tasytqan aqyn armany oryndalyp, búginde asyl tilimiz Táýelsiz Eldiń tórinen oryn aldy.

2 - júrgizýshi:
Ata armanyn áldılep júrgen búgingi urpaq ókilderi aldaryńyzda ánnen shashý shashpaq.
Qarsy alyńyzdar!
( Jyrym meniń - ana tilim) kvartet

1 - júrgizýshi:
«Til bilimi ereje jattatý túrde úıretilmeı, sózdiń tulǵa, maǵyna, qısyn jaǵyn taný túrde úıretý kerek» - deıdi Ahmet Baıtursynuly

2 - júrgizýshi: Endeshe, ulty basqa bolsa da, bir shańyraq astynda, bir til biriktirgen shákirtterimiz de búgingi merekege óz úlesterin qospaqshy. Qarsy alaıyq!
Poplavskaıa Polına
Raý Mılana
Andreeva Valentına

2 - júrgizýshi:
«Biz áýeli eldi túzetýdi bala oqytý isin túzetýden bastaýymyz kerek» degen abyz Ahmet urpaq bolashaǵyna da úlken úmitpen qarap, mysaldardy tárjimalap, jaza tústi.

1 - júrgizýshi: Solardyń biregeıi «Qasqyr men qozy» mysaly. Sahnaǵa alyp shyǵatyn ----------- klass oqýshylary:-----------
1 - júrgizýshi:
«Qazaqtyń otanshyldyq jigerine toly halyq mýzykasynyń eshkimge, eshteńege uqsamaıtyn erekshe tartymdylyǵy sondaı, qazaq ánin tyńdaǵanda kúlli dala kóz aldyńnan ótkendeı bolady»------------------ R. Rollan

2 - júrgizýshi: endeshe, ana tilimizde shyrqalar tartymdy ánniń kýágeri bolýǵa sizderdi de shaqyramyz
Án: Men - Qazaq! Beıbitov Dýman
1 - júrgizýshi:
Aınalaıyn, sóz tanıtyn er me ediń?
Sóz tanysań, Qonaǵym bop tórlegin.
Asaýdyń da asaýy bar deýshi edi,
Sózden asqan asaýdy men kórmedim - degen Qadyr Myrzaáli de qara sózdiń qaınarynan qanyp ishken aqyndardyń jalǵasy emes pe edi?!

Aqtóbe oblysy, Aqtóbe qalasy,
Novyı orta mektebiniń
qazaq tili men ádebıeti pániniń muǵalimi
Qundyz Jubaeva Esterekqyzy
Ana tilim - asyl oıdyń bulaǵy júkteý