InfoHub Logo

Turmysqa shyǵyp bara jatqan qyzyna anasy 10 ósıet aıtypty. Osy ósıetti berik ustasań kúıeýińmen aralaryń sýymaıtyn bolady degen eken...

Qyzym, saǵan qyryq jyldyq otbasylyq ómirimdegi tájirıbelerime súıene otyryp, osy nasıhattarymdy aıtpaqshymyn. Eger aıtqan sózderime qulaq salyp, únemi jadyńda saqtasań baqytqa qol jetkizesiń.

1-Qanaǵatshyl bol! Iaǵnı joldasyń úıge alyp kelgen azyq-túlik, kıim-keshek barlyq nárseni shyn kóńilmen qabyl al! Oǵan rahmet aıtyp, alǵysyńdy bildir! Óıtkeni, qanaǵat – kóńildi tynyshtyqqa, baqytqa qaýyshtyrady.

2- Joldasyńnyń sózderin muqıat tyńda jáne onyń kúná bolmaǵan ámirlerine moıynsun!

3- Úıiń jáne aınalań árdaıym taza, retteýli jáne jınaqy bolsyn!

4- Kúıeýińniń uıyqtaıtyn jáne tamaqtanatyn ýaqyttaryna nazar salýyń kerek. Tósegi men tamaǵyn ýaqytynda daıyndaýyń kerek. Uıqysyzdyq pen ashtyq adamdy ashýlandyrady.

5-Kúıeýińniń mal-múlkin jáne aqshasyn qorǵa! Onyń ruqsatynsyz jáne habarynsyz jumsama! İstegen isterińdi, jaqsylyqtaryńdy mindetsinbe! Jaqsylyqqa jasalǵan jaqsylyq tez umytylady, al jamandyqqa jasalǵan jaqsylyq esh umytylmaıdy.

6-Kúıeýińniń týystarymen jaqsy qarym-qatynasta bol! Kúıeýińniń qatelikterin jalǵyz kezinde ózine jumsaq tilmen aıt!

7-Kúıeýińniń syrlaryn eshkimge aıtpa! Erli-zaıyptylardyń arasyndaǵy syrlary ózderimen birge qabirge ketýi kerek.

8-Kúıeýińniń qaıǵysy men qýanyshyna ortaq bol! Oǵan barlyq jaǵynan da jaqsy ómirlik jar bol! Ótirik – otbasyn ishten shiritetin qurt sekildi.

9-Aralaryńdaǵy máseleni ózderiń sheshińder! Olardy bizge jáne ózgelerge aıtýdan saqtan! Eshkimniń qoldaýynan úmittenbe!

10- Kúıeýińnen alýǵa qınalatyn nemese shamasy jetpeıtin nárseni alyp berýin talap etpe!

11-Áıeliniń jaqsy minezdi bolýy – erine jánnat nıǵmeti. Sen joldasyńa jánnat nıǵmeti bol! Oǵan azap shektirme!

Bulardy tek onyń qalaýlaryn jáne onyń rızalyǵyn aldyńǵy qatarǵa qoıǵanda ǵana oryndaı alasyń. Únemi aldyńǵy qatarǵa ózińdi qoısań, bul nasıhattyń eshbirin oryndaı almaısyń.

---