InfoHub Logo

Batys Qazaqstan oblysy,
Terekti aýdany, Shaǵan Jalpy orta bilim beretin mektebiniń
qazaq tili men ádebıeti páni muǵalimi Hanov Shohan Ýalıhanovıch

Qazaq tili páninen 8 - synypqa arnalǵan sabaq jospary
Sabaqtyń taqyryby: Anyqtaýyshtan ótkendi qaıtalaý
Jalpy maqsattar: - anyqtaýysh týraly bilim deńgeıin kóterý, tereńdetý;
- túrli ádistermen oqýshylardyń oılaý qabiletterin damytý, ózindik shyǵarmashylyqqa baýlý;
- ujymshyldyqqa, naqtylyqqa tárbıeleý.

Oqytýdyń nátıjesi: - Anyqtaýysh týraly bilgen - túıgenderin pysyqtap, bilimderin tereńdetedi, sóıleý mádenıeti, sózdik qory qalyptasady.
Negizgi derek kózderi: AKT, marker men stıkerler, oqýlyq, juldyzshalar;

Muǵalimniń is - áreketi
Amandasý, oqýshylardyń nazaryn sabaqqa aýdarý. Trenıń oqýshylar bir - birine tilekter aıtady. «Shattyq sheńberi»
Topqa bólý
Oqýshylar «Ielik anyqtaýysh», «Sapalyq anyqtaýysh» bolyp eki topqa bólinedi.
Úı tapsyrmasyn suraý
«Sáıkestendirý» testi «Sáıkestendirý» testi
1. Aq sary at dop bolyp ishin tartqan --------------------------- esimdik
2. Talaptanǵannyń eńbegi janady -------------------------------- elikteýish
3. Shań - shuń daýystar estiledi. ----------------------------------- Esimshe
Gýý - gý áńgimemen otyryp tamaq jeýge kiristik. -------------- İlik septigi jalǵanǵan sóz
4. Oqyǵan kitaptarym meni iske bastady ------------------------- san esim
5. Qoı qoranyń aldynda elektr motorynyń dúbirin estidi ---- zat esim
6. Ospan myna qımylǵa tipti súısinip ketti ---------------------- syn esim
7. Jańadan eki úı qurylyp jatyr
8. Kóptiń isinde bereke bar

Taqtamen jumys
Oqýshylar kúnniń jadyn jazyp, «Ystyq oryndyq» strategıasy arqyly anyqtaýyshtan ótken erejelerdi esterine túsirip pysyqtap suraq – jaýap arqyly qaıtalap shyǵady,

Semantıkalyq kartamen jumys
(Syn esim, Esimdik, Zat esim, San esim, Esimshe, Turaqty tirkes, Sapalyq anyqtaýysh, Ielik anyqtaýysh)

Zerdeli qyzdyń zerek oıy qıadaǵy jumbaqty ilip áketti.
Keıbir ańdar ertemen azyqtanýǵa shyǵady.
Ózen boıynda qora – qora qoı jaıylyp júr
Olar aǵash esikti syndyryp ishke kirdi.
On birinshi synypta bul taqyryptardy ótken edik
Aıtqan sóziń dál kelse, saǵan syılyǵym bar.
Oqyǵannyń beti jaryq
Balanyń daýsy estildi
Olardyń qyl ótpesteı tatýlyǵy elge úlgi – ónege bolyp otyr

Shyǵarmashylyq jumys

Mátinniń ishine anyqtaýyshtardy qatystyryp sóılem qurap, sóılemderdi taldaý. Anyqtaýysh qaı sóz tabynan bolyp turǵanyn, quramyna qaraı túrlerin taldaý
«Tapqyrlar aıaldamasy» oıyny 1. Anyqtaýysh degenimiz ne?
2. Anyqtaýyshtyń suraqtaryn ata
3. Anyqtaýyshtar qurylysyna qaraı neshege bólinedi
4. Qandaı? Qaı? Qaısy? Qaıdaǵy? suraqtaryna jaýap berip turǵan anyqtaýyshtardy qalaı ataımyz
5. İlik septiginde turǵan anyqtaýyshty qalaı ataımyz?
6. Anyqtaýysh ózi anyqtaıtyn múshesimen qalaı baılanysady?
7. Talaby bar jigit jerde qalmaıdy degen sóılemde anyqtaýysh qurylysyna qaraı qandaı múshe
8. Sóılemniń turlaýly músheleri
9. Sóılemniń turlaýsyz músheleri
10. Sen oqyǵan kitapty men de oqydym Anyqtaýysh bolyp turǵan sóz taptaryn ata
11. Qyzyq áńgime bastalyp ketti Anyqtaýysh qaı sóz taby
12. Ótegeldi segiz qanat úıdiń kórmesiniń tusynda tur eken. Anyqtaýysh qaı sóz taptary
13. Armany joq jigittiń pármeni joq Anyqtaýysh qalaı jasalǵan
14. İlik septigi jalǵaýynda turyp sóz tabynyń bári de anyqtaýysh bola beredi me?
15. Tolyqtaýysh maǵynasyna qaraı qalaı bólinedi?
16. Oqyǵan kitap, kelgen kisi, ishetin sút osyndaǵy anyqtaýysh qalaı jasalǵan
17. İlik septigi sóılemniń qandaı múshesi bolady?
18. Kúrdeli anyqtaýysh degenimiz ne?
19. Dara anyqtaýysh degenimiz ne?
20. Erdiń synshysy – eli. Anyqtaýyshty tap

Sabaqqa refleksıa jasaý
Stıkerler arqyly oqýshylar sabaqtyń jaqsy nemese jaman ótkendigin bildiredi.
Búgingi sabaq unady ma?
Sabaqta qandaı qıynshylyqtar kezdesti?
Qıynshylyqty kimniń kómegimen jeńdiń?
Qaı toptyń jaýaby sátti shyqty?
Búgingi eń úzdik top basshysy dep kimdi atar ediń?

Úıge tapsyrma
Kórkem ádebıetten anyqtaýyshtardy qatystyryp sóılemder qurap jazý