InfoHub Logo

Apple kompanıasynda basshylyq aýysty. Bul – Stıv Djobstyń óliminen keıingi eń iri kadrlyq jańalyq bolyp otyr. Endi kompanıany aparattyq jabdyqtar bóliminiń burynǵy basshysy Djon Ternýs basqaratyn boldy. Buǵan deıin bul qyzmetti atqarǵan Tım Kýk basqarma tóraǵasynyń orynbasary qyzmetine aýysty.

Bul týraly Infohub.kz aqparat agenttigi habarlaıdy.

Jańa basshy kim?

1 qyrkúıekten bastap Djon Ternýs Apple kompanıasynyń bas dırektory qyzmetin atqarady. Al Tım Kýk atqarýshy tóraǵa retinde kompanıanyń damýyna atsalysady. Kýk jazǵy kezeńniń sońyna deıin Ternýstyń jumysyn úılestirip, aýysý prosesiniń ońtaıly ótýine jaǵdaı jasaıdy.

Tım Kýktiń eńbegi

Tım Kýk 2011 jyldyń tamyzynan beri Apple kompanıasyn basqaryp keldi. Onyń basshylyǵymen kompanıa aksıalary 20 ese ósken. Ony 1990 jyldardyń sońynda Stıv Djobs kompanıany bankrottyqtan qutqarý kezinde jumysqa shaqyrǵan bolatyn.

Bolashaqqa jospar

Qazirgi tańda jasandy ıntellekt (AI) salasyndaǵy ózgeristerge baılanysty Apple kompanıasy bul baǵyttaǵy jumystaryn jedeldetýi tıis. Siri 2011 jyly erte iske qosylǵanymen, kompanıa áli kúnge deıin AI salasynda eleýli jańalyqtar usyna alǵan joq. Al OpenAI sıaqty jańa oıynshylar júzdegen mıllıon paıdalanýshy jınap úlgerdi. Sonymen qatar, Apple eń qymbat kompanıa ataǵynan aıyrylyp, Nvidia-ǵa jol berdi.

Kýk óziniń bas dırektorlyq qyzmetinde bolǵanyna qýanyshty ekenin, kompanıany «búkil júregimen súıetinin» aıtyp, komandasyna alǵys bildirdi.