InfoHub Logo

Tanymal akter Júsip Aqshora otandyq telearnalardyń birine bergen suhbatynda osy kúnge deıin memlekettik marapat almaǵanyna qatysty pikirin bildirdi.

Bul týraly Infohub.kz aqparat agenttigi habarlaıdy.

Marapattar mańyzdy emes

Óner ıesiniń aıtýynsha, ataq pen marapat onyń ómirindegi basty qundylyq emes. Ol úshin halyqtyń yqylasy men qurmeti áldeqaıda joǵary baǵalanady.

«Bul maǵan múlde mańyzdy emes. Bireýdiń maǵan ataq bergeni kerek emes. Tipti “Halyq ártisi” ataǵynyń da qajeti joq. Eger halyq seni tanyp, sýretke túsip, “Assalaýmaǵaleıkým” dep qurmet kórsetse — sol jetkilikti. Naǵyz halyq ártisi degen sol», — dedi akter.

Buǵan deıingi jaǵdaı

Buǵan deıin birqatar óner adamdary Prezıdent Qasym-Jomart Toqaevtyń qolynan memlekettik marapattar men syılyqtar alǵan bolatyn. Marapat ıeleriniń qatarynda ánshi Dastan Orazbekov te bar.

Sol kezde áleýmettik jeli qoldanýshylary «Shanshar» ázil-syqaq teatrynyń akterleri Ýálıbek Ábdiraıymov pen Júsip Aqshoranyń áli kúnge deıin memlekettik nagrada almaǵanyn jarysa jazǵan edi.