InfoHub Logo

Ári aqyn, ári balýan Ahmadı degen jigit jalǵyz atyn joǵaltyp, Baqbaqtyda jıyn ótkizip jatqan Qojahan bolystyń aýylyna keledi. Bolysty basa kóktep kirgen kedeı aqyndy jaqtyrmaı, sharýasyn surap bilgen soń:

— Atyńnyń belgisin óleńmen aıt, áıtpese, úıińe qaıt! — deıdi. Sonda Ahmadı:

— Aq toqym, qos tańbaly, ózi — jıren,
Qıankes ury almasa, shyqpaıdy úıden.
Janýar jylqy bolmaı, adam bolsa,
Násili bir kem emes bolys, bıden.
Aq toqym, qos tańbaly jıren edi,
Shapany qar jaýǵannan súrer edi.
Boldyryp kóp jumystan eti arysa,
Dorbaǵa qı sap bersem, kúılenedi.
Janýar jylqy bolmaı, adam bolsa,
Bolys bop bir taıpa eldi bıler edi, —

degende Qojahan bolys odan arǵysyn aıtqyzbaı:

— Aty júırik qaıyrady, tili júırik aıyrady, — degen, mynanyń tili ýly eken, joǵyn taýyp berip qaıtaryńdar, — depti.

---