InfoHub Logo

Bir qart bazardan aryqtaý taı satyp alady da, jetelep júrip sýaryp, jyl boıyna baptaı beredi, baptaı beredi. Túgi jyltyrap, ábden kisi qyzyǵarlyqtaı bolǵan kezde balasy ony bazarǵa aparyp satpaq bolady.

— Áke, jylqyny satqan soń aldymenen sizge mási men kebis, shapan men taqıa satyp alamyn. Sosyn balalardy túgel bútińdeımin. Áıel, áı, sen tynda! Ekeýimizge jaǵaly kıimder, — dep atalatyn dúnıelerdi shubyrta jónelgende ákesi:

— Balam, áýeli buıyrsa dep aıt? — deı salady.

— Áı, áke-aı, osy seniń buıyrsa-muıyrsań bitpeıdi eken. Osy meni ábden qajytty, — dep qatty renish bildiredi balasy ákesine.

— Qazir jylqyny qolymmen jetektep shyǵamyn da bazarǵa barmaımyn ba? Baramyn. Satpaımyn ba, satamyn. Satqan soń aqshany muqıat sanap alamyn. Sonda dúken maǵan zattaryn satpaı ma, satady, sonda buıyrmaıtyn nesi bar? — deıdi.

Aıtqanyndaı jigit bazarǵa baryp, malyn satyp, aqshasyn sanap alyp, dúkenderdi aralap, oılaǵan buıymdaryn almaq bolyp, aqsha tóleý úshin qaltasyna qolyn salsa, baǵanaǵy sanap alǵan aqshasy joq bolyp shyǵady. Qaı jerde, qashan, kimderge aldyrǵanyn da baıqamaı qalǵan eken. Saly sýǵa ketip, tún ortasy aýa úıine oralyp, esigin qaǵady. Esiktiń arǵy jaǵyńda turǵan kelinshegi «bul kim» dep daýystasa:

— Buıyrsa, baıyńyz bolamyz, — degen eken.

---