InfoHub Logo

Ánshi Aqbota Kerimbekova bala kúninen qalyptasqan ómirlik ustanymy keıin taǵdyrdyń basqa jolǵa salǵanyn aıtty.

Bul týraly Infohub.kz aqparat agenttigi habarlaıdy.

Ánshi «1001 tún» baǵdarlamasyna bergen suhbatynda ata-anasynyń ajyrasýy ózine qatty áser etkenin jasyrmady. Onyń aıtýynsha, dál sol kezeńde bolashaqta eshqashan ajyraspaımyn degen sert bergen.

Balalyq shaqtaǵy arman

«Bala kezde eshteńeni oılamaısyń. Áke-shesheń qasyńda, bar jaǵdaıyńdy jasap beredi. Biraq ata-anamnyń ajyrasýy men úshin aýyr soqqy boldy. Sol kezde ózime “óskende turmysqa shyǵamyn, ómir boıy bir kúıeýmen ómir súremin, eshqashan ajyraspaımyn” dep sóz bergen edim», – dedi ánshi.

Taǵdyrdyń jazýy

Aqbotanyń aıtýynsha, jastaıynan kópshiliktiń nazarynan qashqaqtap, kózge túskisi kelmeıtin. Alaıda taǵdyr ony el aldyna shyǵaryp, óner jolynda tanymal etti.

«Bala kúnimde kópshilikke aralasýdan qashatynmyn. “Meni eshkim baıqamasa eken” dep óstim. Biraq Allanyń qalaýymen bári kerisinshe boldy. Búginde halyqtyń aldynda júrmin. Jeke ómirime qatysty ustanymdarym da men oılaǵandaı bolmady. Degenmen onyń da ózindik qaıyry bar dep qabyldaımyn», – dedi Aqbota Kerimbekova.