InfoHub Logo

Ánshi Erkesh Hasen ózine qatysty sońǵy kezde aıtylyp júrgen áńgimelerge qatysty alǵash ret pikir bildirdi. Ol uzaq ýaqyt boıy únsiz qalý sebebin túsindirip, qyzynyń bolashaǵy men psıhologıalyq jaǵdaıyn alǵa tartty.

Bul týraly Infohub.kz aqparat agenttigi habarlaıdy.

Qyzymnyń aldynda abyroıymdy saqtaý úshin

Ánshiniń aıtýynsha, oǵan qatysty aıtylǵan sózderdiń kóbi shyndyqqa janaspaıdy. Alaıda, eń aýyr tıgeni – qyzy týraly aıtylǵan pikirler. «Erteń qyzym ósip, ákesiniń kamera aldynda bireýlermen aıtysyp, jylap otyrǵanyn kórmeýi kerek. Men onyń aldynda abyroıymdy saqtap qalǵym keledi», – dedi Erkesh Hasen.

Burynǵy jaryna nege til tıgizbeıdi?

Sondaı-aq, Erkesh Hasen burynǵy jubaıy týraly da ashyq aıtty. Onyń sózinshe, ajyrasqannan keıin de balasynyń anasyna til tıgizip, jeke ómirdegi máselelerdi kópshilikke jarıalaýdy durys kórmegen. «Biz birge tek qıyndyq emes, jaqsy kúnderdi de ótkizdik. Sondyqtan ótken ómirimdi joqqa shyǵaryp, balamnyń anasy týraly jaǵymsyz pikir aıtqym kelmeıdi. Ol kótere almaıtyn aýyr sózderdi aıtýdan da sanaly túrde bas tarttym», – dep málimdedi ánshi.

Ánshi otbasy máselesin qoǵam aldynda talqylaý eshkimge paıda ákelmeıtinin aıtyp, qandaı jaǵdaıda da qyzynyń múddesin bárinen joǵary qoıatynyn jetkizdi. Onyń pikirinshe, naǵyz er azamat ashýmen emes, sabyrmen áreket etýi kerek.