InfoHub Logo

Aq úı AQSH prezıdenti Donald Tramptyń Iranmen soǵys shyǵyndaryn arab elderiniń tóleýine múddeli ekenin málimdedi. Bul týraly Tramp ákimshiliginiń baspasóz hatshysy Kerolaın Levıtt aıtty.

Bul týraly Infohub.kz aqparat agenttigi habarlaıdy.

Arab elderinen qarjylyq qoldaý suraýy múmkin

Levıtttiń aıtýynsha, AQSH prezıdenti arab elderin soǵys shyǵyndaryn óteýge shaqyrýy múmkin. Ol bul másele boıynsha óz ustanymyn prezıdenttiń ózi tolyǵyraq baıandaýy yqtımal ekenin atap ótti.

«Men alǵa ozbaımyn, biraq ony osy sharaǵa shaqyrý prezıdent úshin óte qyzyqty bolar edi dep oılaımyn. Árıne, men onyń mundaı ıdeıasy bar ekenin bilemin jáne bul týraly odan ári estısizder dep oılaımyn», - dedi Levıtt baspasóz máslıhatynda jýrnalıserdiń soǵysqa baılanysty arab elderiniń qarjylyq kómek kórsetýge daıyndyǵy týraly suraǵyna jaýap bere otyryp.

Kelissózder jalǵasýda

Aq úı ókili Iranmen kelissózderdiń jalǵasyp jatqanyn jáne sátti júrip jatqanyn aıtty. Ol Tegerannyń jarıa málimdemeleriniń jeke kezdesýlerdegi sózderinen ózgeshelenetinin atap ótti.

«Rejımniń barlyq jarıa málimdemelerine jáne jalǵan habarlarǵa qaramastan, kelissózder jalǵasýda jáne sátti ótýde. Árıne, jarıa túrde aıtylǵan sózder jeke túrde bizge jetkizilgen aqparattan aıtarlyqtaı erekshelenedi», - dedi ol.

Ol Irannyń jeke kezdesýlerde Vashıngtonǵa aıtqandarynyń bári tekseriletinin jáne AQSH Tegerannyń ýádesin oryndaýyn qamtamasyz etetinin eskertti.

Buǵan deıin AQSH prezıdenti Donald Tramp Irannyń «jańa jáne aqyldy rejımimen» júrgizilip jatqan kelissózder týraly málimdegen bolatyn. Eger kelisimge qol jetkizilmese, Tramp strategıalyq nysandardy joıýǵa ýáde bergen edi. Tegeran Tramptyń AQSH-tyń soǵysty toqtatý týraly talaptarynyń «kópshiligimen» keliskeni týraly málimdemesin joqqa shyǵaryp, bul usynysty «iske aspaıtyn» dep atady.