InfoHub Logo

AQSH Kongresiniń ókili, demokrat Eıprıl Makkleın Deleını prezıdent Donald Trampqa ımpıchment bastaýǵa shaqyrdy. Ol muny Venesýelaǵa qatysty kúsh qoldaný operasıasy bılik tarmaqtarynyń tepe-teńdigin buzdy dep baǵalaýymen túsindirdi. Daý AQSH Konstıtýsıasyna saı soǵys ókilettikteri men Kongres róliniń shegin aıqyndaýǵa tirelip tur.

Bul týraly Infohub.kz aqparat agenttigi habarlaıdy.

Ne boldy

Deleını 7 qańtar 2026 jyly áriptesterine joldaǵan úndeýinde Tramptyń Venesýelada Kongres maquldaýynsyz áskerı áreketke bardy dep málimdedi. Demokrat kongresvýmenniń aıtýynsha, bul «ókilettikter sheginen shyǵý» jáne «sderjkı men qarsy salmaq júıesin» álsiretedi.

Senbige qaraǵan túni Karakasta jarylystar tirkelgennen keıin, prezıdent Donald Tramp AQSH Venesýela astanasyna aýqymdy soqqy bergenin, prezıdent Nıkolas Madýro men onyń jubaıy ustalǵanyn jarıalady. Aqparattarǵa saı, olar aldymen Gýantanamo bazasyna, keıin Nú-Iorkke jetkizilip, Brýklındegi ızolátorǵa qamalǵan.

Konstıtýsıalyq daý

Deleınıdiń ýáji – Kongres sanksıasynsyz kúsh qoldaný Konstıtýsıaǵa qaıshy keledi. Bul másele AQSH-taǵy soǵys ókilettikteri týraly zańdar men prezıdenttiń bas qolbasshy retindegi quqyǵyn qaıta talqylaýǵa túrtki boldy.

Aq úıdiń ýáji

Tramp ákimshiligi operasıa «orderdi oryndaý» sıpatynda bolǵanyn jáne prezıdenttiń bas qolbasshy retindegi ókilettigine súıenip atqarylǵanyn aıtady. Degenmen Kongrestegi demokrattar aldyn ala eskertý men ruqsattyń bolmaǵanyn synady.

Oqıǵanyń halyqaralyq salmaǵy

Karakas bıligi AQSH áreketiniń maqsaty – Venesýelanyń munaı men mıneraldyq resýrstaryn baqylaýǵa alý dep sanaıdy. BUU Bas hatshysy Antonıý Gýterresh operasıa barysynda halyqaralyq quqyq normalary saqtalmady dep málimdedi.

Sot prosesi: kelesi qadam

Nú-Iorktegi sot Madýro isi boıynsha alǵashqy otyrysyn aıaqtady. Prokýratýranyń dereginshe, oǵan «narkoterrorızmge qatysty astasqan qastandyq», «kokaın kontrabandasy», «oqshasharlar men jarylǵysh zattardy saqtaý jáne olardy AQSH-qa qarsy qoldanýǵa sóz baılasý» aıyptary taǵylǵan. Aıyptaýlar dáleldense, Madýroǵa tórt márte ómir boıyna bas bostandyǵynan aıyrý jazasy qaýpi bar. Kelesi tyńdaý 17 naýryzda ótpek. Madýro óz kinásin moıyndaǵan joq.