InfoHub Logo

Irak barlaý qyzmeti men AQSH bastaǵan koalısıa kúshteri birlesken operasıa júrgizip, «Islam memleketi» lańkestik uıymynyń jetekshisin joıdy.

Ábý Hadıdja laqap atymen tanymal Abdýlla Makkı Mýslıh ál-Rıfa álemdegi eń qaýipti terrorısterdiń biri retinde tanylǵan. Ol DAISH uıymynyń strategıalyq josparlaý, logıstıka jáne shabýyldardy úılestirý isterine jaýapty bolǵan.

AQSH-tyń resmı ókilderi bul operasıanyń terorıstik uıymnyń áreketine aıtarlyqtaı soqqy bergenin málimdedi. Irak barlaý qyzmetiniń derekterine súıensek, Ábý Hadıdja koalısıa kúshteriniń uzaq merzimdi baqylaýynda bolǵan jáne arnaıy operasıa nátıjesinde joıylǵan.

AQSH-tyń burynǵy prezıdenti Donald Tramp bul jańalyqqa Truth áleýmettik jelisinde piki áýr bildirdi.

"Búgin Irakta «Islam memleketiniń» qashyp júrgen jetekshisi qaza tapty. Bizdiń erjúrek jaýyngerler onyń izine túsip, tynbaı qýdalady. Onyń túkke turǵysyz ómiri sońyna jetti," – dep jazdy Tramp.

Bul áskerı operasıa terorızmge qarsy kúreste mańyzdy jetistik retinde qarastyrylyp otyr. AQSH pen Irak bıligi DAISH uıymynyń qaldyqtaryn joıý baǵytynda jumysty jalǵastyra beretinin málimdedi.qáýs