InfoHub Logo

2025 jylǵy 5 sáýirden bastap Qazaqstanda mopedter resmı túrde mehanıkalyq kólik quraldaryna teńestiriledi, dep habarlaıdy Todayinfo.kz Polisia.kz silteme jasap.

Bul mopedterdi paıdalaný úshin arnaıy qujattar men rásimder qajet ekenin bildiredi:

• polısıada tirkeý;
• A1, A nemese V sanatyndaǵy júrgizýshi kýáligi;
• tehnıkalyq tekserý;
• azamattyq jaýapkershilikti saqtandyrý.

Mopedti qalaı tirkeýge bolady?

Mopedti tirkeý úshin turǵylyqty mekenjaıyńyz boıynsha arnaıy HQKO-ǵa kelesi qujattardy tapsyrý qajet:

• jeke kýálik (elektrondy túrde usynýǵa bolady);
• mopedtiń tehnıkalyq qujaty nemese sıpattamasy.

Tirkeý kezinde ótinish toltyryp, mopedti tekserýden ótkizip, memlekettik bajdy tóleý kerek.

Mańyzdy:
2025 jylǵy 5 sáýirden bastap tirkelmegen mopedterdi júrgizý jáne júrgizýshi kýáliginsiz kólik basqarý zańsyz bolyp sanalady. Sondyqtan mopedti tirkeýden ótkizip, júrgizýshi kýáligin alýdy usynamyz. Bul týraly QR İİM Ákimshilik polısıa komıtetiniń arnaıy tapsyrmalar jónindegi aǵa ınspektory Araı Tólegenqyzy habarlady.

Jańa zańnamanyń máni

2023 jylǵy 3 qazanda Qazaqstan Prezıdenti Qasym-Jomart Toqaev "Jol júrisi týraly" jáne Ákimshilik kodekske túzetýler engizý týraly zańǵa qol qoıdy. Endi moped júrgizýshileri A1 sanatyndaǵy júrgizýshi kýáligine ıe bolýy tıis. 2025 jylǵy 4 sáýirden bastap mopedterge memlekettik nómirsiz jáne júrgizýshi kýáliginsiz júrýge tyıym salynady.

Bul talap mopedterdiń barlyq túrlerine qatysty, sonyń ishinde eń joǵary jyldamdyǵy saǵatyna 50 shaqyrymnan aspaıtyn kólikterdi de qamtıdy.