tengrinews.kz
AQSH-ta "Djýmandjı" jáne "Top Gan: Meverık" fılmderiniń akteri qaza tapty
Amerıkalyq akter Djeıms Hendı Los-Andjelestegi shabýyldan qaza tapty. Bul týraly Infohub.kz aqparat agenttigi habarlaıdy.
Basylymnyń málimetinshe, 3 maýsym kúni tańerteń polısıa Tarzana aýdanyna shaqyrtý boıynsha kelgen. Oqıǵa ornynda quqyq qorǵaýshylar 81 jastaǵy akterdi úıiniń aýlasynan pyshaq jaraqatymen tapqan.
Hendı aýrýhanaǵa aýyr jaǵdaıda jetkizilgenimen, dárigerler ony qutqara almady. Qazirgi ýaqytta kúdikti retinde 44 jastaǵy Maıkl Gledhıll ustaldy. Tergeý málimetteri boıynsha, ol óziniń izdeýdegi adam ekenin polısıaǵa ózi habarlaǵan. Ol kisi óltirý babymen aıyptalyp, eki mıllıon dollar kepildik somasy belgilendi.
Amerıkalyq BAQ-tyń habarlaýynsha, Gledhıll aktermen buryn qarym-qatynasta bolǵan áıeldiń uly bolyp shyqty.
Akterdiń tanymal rólderi
Djeıms Hendı óziniń mansap jolynda ondaǵan fılmder men serıaldarǵa túsken. Ol ásirese 80-90 jyldardaǵy tanymal fılmder men serıaldardaǵy ekinshi plandaǵy jarqyn rólderimen kórermen esinde qaldy. Akterdiń eń tanymal jumystarynyń qatarynda "K-9: Ittiń jumysy" jáne "Djýmandjı" fılmderi bar. Sońǵy iri jumysy retinde "Top Gan: Meverık" blokbasterinde barmen Djımmı rólin somdaǵan.
-
«Habar» telearnasynyń jasandy ıntellektini paıdalanyp, erekshe balany sóıletken áreketi jurtshylyqtyń narazylyǵyn týdyrdy. Ánshi Jasýlan Bazarbaevtyń qyzyna qatysty bul jaǵdaı kópshiliktiń talqysyna tústi.
-
Veteran actor James Handy, known for his roles in 'Jumanji' and 'Top Gun: Maverick', has died following a stabbing incident at his Los Angeles home.
