InfoHub Logo

«Habar» telearnasy jasandy ıntellekt (JI) tehnologıasyn qoldanyp, erekshe bala Jasýlan Bazarbaevtyń qyzyn sóıletkennen keıin jelide qyzý talqylaý bastaldy.

Bul týraly Infohub.kz aqparat agenttigi habarlaıdy.

Ánshiniń ózi buǵan deıin áleýmettik jelide qyzyn segiz jyl kútkenin, alaıda qyzy 2,5 jasta bolǵanda onyń erekshe dıagnozy bary belgili bolǵanyn aıtqan bolatyn. «Sol sátten bastap em izdep, kóptegen mamandarǵa júgindik. Qaıda barmadyq, qandaı esik qaqpadyq deseńizshi. Qazir qyzymyz on jastan asty. Azdap sóıleı bastady, oıyn bildire alady», — dep bólisken ánshi.

Efır kezinde jýrnalıs ánshiden ekranǵa nazar aýdarýyn ótinedi. Sol sátte onyń kishkentaı qyzynyń ákesine jyly lebizderin bildirip, sóılegen beınejazbasy kórsetiledi. Bul kezde ánshi emosıasyn jasyra almaı, kóz jasyna erik bergen.

Jeli qoldanýshylarynyń narazylyǵy

Bul jaǵdaıǵa jeli qoldanýshylary qatty ashýlandy. Kópshiligi mundaı ádisti dóreki jáne etıkaǵa jat dep sanady. Jasandy ıntellektini paıdalanyp, balanyń daýysyn jasaý – onyń jeke basyna jáne otbasyna degen qurmetsizdik retinde qabyldandy.

Aıta keteıik, bul «Habar» arnasynyń alǵashqy daýly jaǵdaıy emes. Buǵan deıin arna úı ishindegi zorlyq-zombylyqty bastan keshken áıeldi efırde kúıeýimen qosýǵa tyrysqan tok-shoý úshin synǵa ushyraǵan bolatyn. Jeke basyn jasyrýǵa jáne kúıeýin shaqyrmaýǵa ýáde bergenine qaramastan, redaksıa bul sharttardy buzyp, qoǵamda úlken rezonans týdyrdy.