InfoHub Logo

AQSH-ta qupıa ǵylymı jobalarmen aınalysqan birqatar ǵalymnyń joǵalyp ketýi nemese belgisiz jaǵdaıda qaıtys bolýy alańdaýshylyq týdyrýda. Bul jaǵdaılar ulttyq qaýipsizdikke qater tóndirýi múmkin degendik bar.

Bul týraly Infohub.kz aqparat agenttigi habarlaıdy.

Kongresmender alańdaýly

AQSH Kongresiniń músheleri Djeıms Kemer men Erık Berlınson energetıka mınıstrliginen, Pentagonnan, FBR jáne NASA-dan osyǵan qatysty málimetterdi surady. Olardyń aıtýynsha, qupıa aqparatqa qol jetkize alatyn ǵalymdardyń joǵalýy nemese qaıtys bolýy – ulttyq qaýipsizdikke eleýli qaýip.

Zań shyǵarýshylar mundaı qyzmetkerlerdi qorǵaý júıesiniń qalaı jumys isteıtinin naqtylaýdy talap etti.

11 ǵalymnyń taǵdyry

Buqaralyq aqparat quraldarynyń habarlaýynsha, 2022 jyldan beri AQSH-ta kem degende 11 adam osyndaı jaǵdaıǵa tap bolǵan. Olardyń kóbi ıadrolyq fızıka jáne ǵarysh salalarynda zertteý júrgizgen, al keıbiri beımálim ushatyn nysandardy (BUU) zertteýmen aınalysqan.

Sońǵy oqıǵalar

Fox News telearnasynyń málimetinshe, sońǵy ret osyndaı jaǵdaıǵa tap bolǵan AQSH Áýe kúshteriniń burynǵy general-maıory Ýılám Nıl Makkasland 27 aqpanda Nú-Meksıko shtatynda joǵalyp ketken. Onyń úıinde telefon, kózildirigi qalǵan, biraq rúkzak, ámıany men revolveri tabylmaǵan.

Sonymen qatar, NASA qyzmetkeri Maıkl Hıkstiń 2023 jylǵy 30 shildedegi óliminiń sebebi áli kúnge deıin resmı túrde ashylmaǵan. Ol kometalar men asteroıdterdi zertteýmen aınalysqan.

Ulttyq zerthananyń taǵy bir qyzmetkeri, ıadrolyq qarý salasyndaǵy mamany Mılıssa Kasıas 2023 jylǵy 26 maýsymda joǵalyp ketken.

AQSH prezıdenti Donald Tramp bul jaǵdaılardyń mán-jaıyn anyqtaýǵa ýáde berdi.