InfoHub Logo

Aqtaý qalasynyń turǵyndary sońǵy ýaqytta kóshelerde polısıa ekıpajdarynyń jıilep, keıbir joldardyń jabylýyna baılanysty alańdaýshylyq bildirdi. Bul jaǵdaıǵa qatysty polısıa departamenti túsinikteme berdi.

Bul týraly Infohub.kz aqparat agenttigi habarlaıdy.

Sáýirdiń 10-y kúni keshkisin qalanyń ortalyq jolynda, 5 jáne 6 shaǵyn aýdandary aralyǵynda polısıa kólikteriniń toptasyp, joldyń ýaqytsha jabylýy baıqaldy. Kýágerler bul jaǵdaıdy qandaı da bir oqıǵamen baılanystyrdy.

«Quqyq tártibi» operasıasy

Alaıda, polısıa departamenti bul nusqany joqqa shyǵaryp, qalada «Quqyq tártibi» atty jedel-aldyn alý is-sharasy ótip jatqanyn habarlady. Bul sharanyń negizgi maqsaty – qoǵamdyq qaýipsizdikti qamtamasyz etý, quqyq buzýshylyqtardyń aldyn alý jáne jolyn kesý, sondaı-aq halyq arasynda quqyqtyq tártipti arttyrý bolyp tabylady.

Operasıa kezinde polısıa qyzmetkerleri kúsheıtilgen rejımde qyzmet atqarýda. Olar qoǵamdyq oryndardy, oıyn-saýyq mekemelerin jáne kólikterdi keshendi túrde tekserýde. Zańnamanyń saqtalýyn baqylaý, ákimshilik jáne qylmystyq quqyq buzýshylyqtardy anyqtaý, sondaı-aq azamattarmen profılaktıkalyq jumystar júrgizilýde.

«Kvadrat» ádisimen jumys

Quqyq qorǵaý organdary «kvadrat» ádisin qoldanatynyn atap ótti. Bul ádis boıynsha, belgili bir aýmaqta kólik qozǵalysy ýaqytsha shektelip, sodan keıin polısıa qyzmetkerleri sol aýmaqqa kirip-shyǵatyn barlyq kólikterdi tolyq tekseredi. Mundaı sharalar quqyq buzýshylyqtardy anyqtaýǵa, izdeýde júrgen tulǵalardy ustaýǵa jáne qoǵamdyq qaýipsizdikti qamtamasyz etýge baǵyttalǵan.

Polısıa aımaq turǵyndary men qonaqtaryn zań talaptaryn saqtaýǵa, quqyqtyq sanany tanytýǵa jáne qoǵamdyq tártipti qamtamasyz etýge úles qosýǵa shaqyrdy.