InfoHub Logo

Jaqynda «Qazposhta» AQ Mańǵystaý oblystyq fılıalynda tutynýshylarǵa qyzmet kórsetýdiń jańa prınsıpi engizildi.

Kezekti bólimsheniń ashylý saltanatyna oblys ákimi Eraly Toǵjanov qatysyp, bólimsheni aralady. Sondaı-aq, ulttyq operatordyń qyzmet kórsetý aıasynyń keńeıip jatqandyǵyna toqtalyp, onyń mańyzdylyǵyn basa aıtty.

«Eger buryn Mańǵystaý oblysyna 30 myń birlik hat-habar kelse, elektrondyq komersıanyń jyldam damýy arqasynda qazir 90 000-ǵa deıin keledi. Eger buryn baılanys bólimshelerine adamdar sálemdemeler men hattardy jiberý nemese alý úshin júrse, qazirgi ýaqytta Qazposhtaǵa adamdar aýdarymdardy jiberý, nesıeni óteý, depozıtti toltyrý, kartalardy shyǵarý jáne komýnaldyq qyzmetterdi tóleý boıynsha júginedi. Bul bólimderdegi kezekti qysqartýǵa múmkindik beredi jáne halyqqa kóbirek jaılylyq beredi», - dedi ákim Eraly Toǵjanov.

2012 jyldan 2016 jylǵa deıin Mańǵystaý oblysynda úsh Sálemdemeler sýpermarketi ashyldy. Munaıly aýdanyndaǵy poshta bólimshesi jańa ǵımaratqa kóshti. Sonymen qatar, Atameken kentinde jańa tehnologıalarmen jabdyqtalǵan jańa mobıldi poshta bólimshesi ashyldy.
«Transformasıa» jáne «Sıfrlyq Qazaqstan» baǵdarlamalary aıasynda Qazposhta Halyqaralyq uıymdarǵa kirýden bastap elektrondyq komersıamen, qyzmetterdi sıfrlandyrýmen, onlaın-bankıngpen baılanysty ınovasıalyq jobalarǵa deıin qyzmet salasyn keńeıtti.
Aıta keteıik, Mańǵystaý oblysynyń ákimdigi men «Qazaqtelekom» AQ arasynda da shalǵaı óńirdi sıfrlandyrý salasyndaǵy áriptestik kelisim bar. Ótken shilde aıynda aımaq basshysy Eraly Toǵjanov pen «Qazaqtelekom» AQ basqarma tóraǵasy Qýanyshbek Esekeev ólke aýmaǵynda «Sıfrlyq Qazaqstan» memlekettik baǵdarlamasyn nátıjeli júzege asyrýǵa baǵyttalǵan qujatqa qol qoıǵan bolatyn.

---