InfoHub Logo

Aqtaýdaǵy qaıǵyly oqıǵaǵa qatysty kúdikti retinde atalǵan Sultan Sársemálıevtiń ákesi alǵash ret kópshilikke ulynyń kinásizdigin dáleldep, pikir bildirdi. Bul týraly Infohub.kz aqparat agenttigi habarlaıdy.

Áke júreginiń senimi

Sultan Sársemálıevtiń ákesi Samıǵolla Sársemáliuly áleýmettik jelilerde taraǵan ulyna qatysty aıyptaýlarǵa narazylyǵyn bildirdi. Onyń aıtýynsha, Sultandy kinálaǵan túrli boljamdar men aıyptaýlar shamadan tys kóbeıip ketken.

«Qazir telefondy ashsańyz boldy, barlyǵy bir adamdy nysanaǵa alyp, meniń balama jabylyp jatyr. “Kúıeý balasy istegen”, “osy kináli” degen sózder aıtylyp júr. Shynymdy aıtsam, muny Sultan jasady degen oı úsh uıyqtasam da túsime kirmeıdi. Onyń bul iske qatysy joq ekenine júz paıyz senemin. Qoı baýyzdaýǵa da júregi daýalamaıtyn adam mundaı qatygezdikke qalaı barady? Bul — kásibı manák jasaıtyn áreket. Óltirip, kómip, izin jasyrý — kez kelgen adamnyń qolynan kelmeıdi», — deıdi ol.

Otbasylyq baılanystar

Samıǵolla Sársemáliulynyń aıtýynsha, qaza tapqandar — kúdiktiniń týǵan ata-enesi bolǵan. Onyń ústine, oqıǵa kezinde Sultannyń qasynda jubaıy júrgenin de alǵa tartty.

«Marqumdar — onyń jaýy emes, týǵan ata-enesi. Qasynda áıeli birge júrgen. Osyndaı jaǵdaıda aıtylyp jatqan áńgimelerge qalaı senýge bolady? Onyń ústine, men — ákesimin. Bul jaǵdaı tóbeden túskendeı boldy, ne aıtarymdy da bilmeı qaldym», — dedi ol.

Atalǵan is qoǵamda qyzý talqylanyp, áleýmettik jelide túrli pikir men boljamnyń taralýyna sebep boldy.