InfoHub Logo

Aqtóbe oblysynda ótken jyldyń qarasha aıynda qala syrtynan óli kúıinde tabylǵan erli-zaıyptylardyń ólimine qatysty qylmystyq is toqtatyldy. Alǵashqyda boljanǵan nusqa rastaldy: er adam áıelin óltirip, keıin ózine qol salǵan.

Bul oqıǵa Aqtóbe turǵyndaryn qatty dúrliktirgen edi. 2025 jyldyń 20 qarashasynda tańerteń et satyp alýǵa shyǵyp, keıin qala syrtynan óli kúıinde tabylǵan juptyń jaǵdaıy sot otyrysynda anyqtaldy.

Sot otyrysyndaǵy mán-jaı

Aqtóbe oblystyq sotynyń baspasóz qyzmetiniń habarlaýynsha, 2025 jyldyń 20 qarashasynda A. (er adam) Aqtóbe qalasynyń Bogoslovsk tas jolynda kóligin basqaryp bara jatyp, áıeli Sh. ekeýi urysyp qalǵan. Osydan keıin A. áıelin qasaqana óltirý maqsatynda kóligin toqtatyp, as úı pyshaǵyn alyp, artqy oryndyqqa otyrǵan. Ol áıeliniń arqasyn aıaǵymen basyp turyp, moınyn birneshe ret pyshaqtap, aýyr dene jaraqatyn salǵan. Osylaısha, ol qasaqana kisi óltirý qylmysyn jasaǵan. Odan keıin A. jol boıynan arqan satyp alyp, kóligimen óndiristik seh ǵımaratyna kirip, jabdyqqa shyǵyp, óziniń arqanymen asylyp qaıtys bolǵan.

Er adamdy mundaı qadamǵa ne ıtermektegeni sotta naqtylanbady. Sottalýshynyń advokaty sottalýshynyń qaıtys bolýyna baılanysty qylmystyq isti toqtatý týraly ótinishhat berdi. Prokýror bul sheshimdi qoldady.

Sot bul isti toqtatý týraly qaýly shyǵardy.

Esterińizge sala keteıik, buǵan deıin juptyń bes bala tárbıelep otyrǵany habarlanǵan bolatyn. Týystarynyń aıtýynsha, olar 20 qarasha kúni tańerteń etke shyǵyp, úıge oralmaǵan. Sol kúni keshke jaqyndary olardy áleýmettik jeli arqyly izdeýge bergen. Keıin polısıa erli-zaıyptylardyń máıitin qala syrtynan tapqan.