ashyq derekkóz
Aqtóbede kúıeýin óltirgen áıel sot zalynan bosatyldy
Aqtóbede kúıeýin óltirdi degen aıyppen sottalǵan 37 jastaǵy Ksenıa Sedova sot zalynan bosatyldy. Bul týraly Politico.kz habarlady.
Oqıǵa ótken jyldyń kókteminde bolǵan. Tergeý málimetteri boıynsha, áıel jazǵy as úıde tamaq daıyndap otyrǵanda, mas kúıde kelgen jubaıymen janjal shyqqan. Sol kezde Sedova kúıeýine eki ret pyshaq suǵyp, saldarynan ol qaıtys bolǵan.
Bastapqyda áıel «Adam óltirý» babymen qamaýǵa alynǵanymen, keıin is «Jan kúızelisi (afekt) jaǵdaıynda jasalǵan adam óltirý» babyna aýystyrylyp, amnıstıaǵa iligip bosatylǵan edi. Alaıda, jábirlenýshi taraptyń advokaty memlekettik saraptama qorytyndysyna kúmán keltirip, jeke sarapshyǵa júgingen. Sarapshynyń pikirinshe, Sedova qylmys kezinde afekt jaǵdaıynda bolmaǵan. Osydan keıin 2025 jyldyń qazan aıynda áıel qaıta qamaýǵa alyndy.
Sot prosesinde Sedovanyń kúıeýiniń alkogólge táýeldiliginen jıi zorlyq kórgeni, tipti polısıaǵa birneshe ret shaǵymdanǵany belgili boldy. Ol qaıǵyly oqıǵa kúni de soqqyǵa jyǵylǵanyn aıtty.
Aqtóbe oblysynyń mamandandyrylǵan aýdanaralyq qylmystyq soty Sedovany afekt jaǵdaıynda adam óltirgeni úshin 1 jyl 6 aıǵa bas bostandyǵynan aıyrdy. Alaıda, amnıstıa zańy qoldanylyp, áıel sot zalynan bosatyldy. Sot úkimi shyǵarylar aldynda, aıyptalýshyny jeke teksermegeni úshin basqa bir óńirlik sarapshynyń qorytyndysy jaramsyz dep tanyldy.
-
Almaty oblysynyń Qarasaı aýdanyndaǵy jol boıyndaǵy stıhıalyq saýda oryndary turǵyndardyń narazylyǵyn týdyrdy. Turǵyndar bul saýda oryndary qaýipti jaǵdaı týdyryp, jol boıynda keptelis pen qoqysqa sebep bolyp otyrǵanyn aıtady.
-
A 37-year-old woman accused of killing her husband has been released from court in Aktobe following an amnesty, amid revelations of domestic abuse.
